Денес нема голема понда за обложување, а ние за вас ќе го анализираме дуелот од Лига Купот помеѓу Тотенхем и Манчестер Јунајтед.
Тотенхем во лоша форма
Тотенхем добро ја отвори сезоната, но проблемот на овој тим е што нема континуитет. Потоа следуваше пад на формата и цело време „петлите“ играат топло ладно. Иако не се откажуваат од пласманот во Топ 4, реално тоа ќе биде тешка мисија. Лига Купот е одлична шанса Тотенхем конечно да дојде до трофеј, па овој дуел за нив е од исклучително значење. Домашниот терен ќе биде мала предност, но на гости им доаѓа разбудениот великан. Во првиот натпревар сезонава Тотенхем со високи 3:0 славеше над Манчестер Јунајтед, но овој дуел сигурно ќе биде многу различен. Во секој случај пласманот во полуфинале е императив за Тотенхем.
Дали Аморим го „разбуди“ Јунајтед?
Манчестер Јунајтед оваа сезона сериозно заостанува од врвот во Премиер лигата, но сигурно ќе сака да освои барем еден трофеј, а Лига Купот е одлична шанса за тоа. Минатата сезона го освоија ФА Купот, а ова натпреварување сигурно е голема желба на клубот од Олд Трафорд. Аморим немаше добар старт во Премиер лигата, но минатото коло со пресврт славеше над градскиот ривал Сити, а тој дуел може да биде пресвртница во сезоната. Сега самодовербата е на највисоко ниво, но ова по традиција е тешко гостување. Во игра е пласман во полуфинале, па „црвените ѓаволи“ ќе направат се за да се пласираат.
Очекување
Дуелите на овие два тима се секогаш непредвидливи и неизвесни, но по традиција се богати со голови, па веруваме дека така ќе биде и овој пат.
Be the first to comment