Денес започнуваат натпреварите од Лигата на Нации, а еден од најинетресните дуели се игра во А дивизијата помеѓу Србија и Шпанија.
Србија без неколку големи ѕвезди
Во Србија после лошите настапи на Европското првенство имаше многу турбулениции, но сепак Пикси остана на кормилото да ја води репрезентацијата. Долго време Србија се мачи да ја пронајде својата најдобра игра и во квалификациите за ЕП не блескаше. Пред овој меч неколку ѕвезди го откажаа настапот како Влаховиќ, Митровиќ, Милинковиќ-Савиќ, па „орлите“ во многу изменет состав ќе ја дочекаат Шпанија. Домашниот терен е единствена предност на овој меч, но сепак Шпанија е актуелен европски шампион и тешко дека ќе успеат да направат нешто повеќе на овој меч. Реално и реми би бил добар резултат за избраниците на Пикси.
Шпанија блесна на Европското првенство
Подмладениот тим на Шпанија блесна на Европското првенство и сосена заслужено стигна до престижниот трофеј, иако за волја на вистината очекувањата не беа многу високи. Де ла Фуерте врши одлична работа и доведе многу млади играчи на кои ја потпира цела игра како Јамал, Вилијамс и Олмо. Од самот старт на ЕП тргнаа фуриозни и ги победија сите фаворити. Поради тоа сега очекувањата од „фуријата“ се многу високи и во Белград доаѓаат како актуелни шампиони. Имаат одличен систем на игра и сигурно се фаворити на овој меч. За потсетување Шпанија триумфираше и во последното издание на Лигата на нации, па сега целта е да го одбранат трофејот.
Очекување
Квалитетот е на страната на гостите, но Србија нема лесно да се предаде и има квалитетни поединци, иако не игра добро во последно време.
Be the first to comment