Од денес на програмата се квалификациите за Европско првенство, а во фокусот секако ќе биде дуелот помеѓу Македонија и Украина.
Дуел на две репрезентации кои се аутсајдери покрај Италија и Англија, но според квалитетот и традицијата Украина е фаворит и сака да им ги замрси сметките на фаворитите.
Момент на вистината за Македонија
Репрезентацијата на Македонија немаше среќа во ждребот и доби исклучително тешка, но атрактивна група. Ќе биде скоро невозможно нашата селекција да заврши на првите две места, но во изминатиот период покажавме дека можеме да играме против фаворитите. Добро е што на одличен начин ги отворивме квалификациите, со победа над Малта, па во одлично расположение влегуваме во овој меч. Ова е можеби и најважниот дуел за нас во групата, кој ќе ни покаже на кое место можеме да целиме. Украина е силна репрезентација, но не е меѓу главните фаворити, па дефинитивно треба да се обидеме да ги освоиме трите бода, особено поради фактот што играме на домашен терен.
Украна знае дека Македонија е опасна
Покрај репрезентациите на Англија и Италија, репрезентацијата на Украина важи како фаворит од сенка и ќе се обиде да им ги расипе сметките. Украинците сигурно до крај ќе се борат за второто место во групата бидејќи имаат силна репрезентација предводена од Мудрик и Зинченко. Украина за малку не успеа да се пласира на Светското првенство бидејќи беше елиминирана во баражот, па сега немаше среќа во ждребот и доби исклучително силна група. Инаку оваа репрезнтација е во серија на добри резултати, сепак на стартот го загуби првиот меч во квалификациите од Англија. Поради тоа Украинците знаат дека овој меч е исклучително важен, бидејќи доколку не победат ќе го загубат чекорот со фаворитите. Украина е фаворит, но сепак нема да и биде лесно во Скопје да победи.
Очекување
Според квалитетот и традицијата Украина е благ фаворит на овој меч, но Македонија е незгоден противник за секоја репрезентација, особено на домашен терен. Веруваме дека ќе биде возбудлив меч со голови на двете страни.
Be the first to comment