Денес нема голема понуда за обложување, а во фокусот секако ќе биде реванш дуелот од баражот во Бундеслигата помеѓу Хамбургер и Штутгарт.
Штутгарт во првиот меч на домашен терен славеше со 3:0, па сега на Хамбургер ќе му биде потребно „чудо“ за да се врати во Бундеслигата.
Хамбургер пред „невозможна мисија“
Славниот германски клуб и неколкукратен шампион веќе втора година по ред се бори за враќање во Бундеслигата, а како што стојат работите и следната година ќе игра во втора лига. Минатата година не успеа за „влакно“, па оваа сезона се очекуваше да биде супериорен во Цвајта. Сепак, Хамбургер извиси во последното коло и тоа после драма, иако во еден момент навивачите почнаа да слават. Имено, Ханденјахм во судиското продолжение успеа да дојде до победа во последното коло и со само еден бод повеќе заврши пред Хамбургер, кој сега ќе мора да игра бараж. Разочарувањето на тимот е големо и од самиот факт што мораат да играат бараж за враќање во Бундеслигата. Сега тоа изгледа уште поневозможно, откако во првиот меч загубија со 3:0 против Штутгарт. Сега ќе им биде потребно „чудо“, но познато е дека овој тим има менталитет да не се откажува се додека постои и најмала можност.
Штутгарт на чекор од останување во Бундеслигата
Штутгарт заврши на 16-то место во Бундеслигата па мораѓе да игра бараж за опстанок во лигата, а после првиот меч таа цел е на прагот. Штутгарт беше супериорен во првиот дел, победи со 3:0, а промаши и пенал. На тој меч се виде разлика во класи и Штургарт покажа дека е супериорен во однос на Хамбургер, па сега ќе треба само рутински да го одработи реваншот. Тимот во последното коло имаше „зицер“, но не успеа да го победи Хофенхајм на домашен терен, па мораше да игра бараж. Поучени од тоа сигурно нема да си дозволат да испуштат уште една голема шанса за остварување на целта.
Очекување
Со оглед на резултатот од првиот меч Хамбургер нема што да калкулира и мора да тргне фуриозно од самиот старт, па очекуваме отворен меч со голови на двете страни.
Be the first to comment