Денес е нешто послаба понудата за одложување, а еден од најинтересните дуели се игра во Бундеслигата, каде силите ќе ги одмерат Борусија Мехенгладбах и Штутгарт.
Ова е дуел на два тима со израмнет квалитет кои се наоѓаат на средината на табелата и играат променливо. Домаќините моментално се наоѓаат на 11-то место на табелата, додека Штутгарт е на 15-то место, само два бода над зоната за испаѓање.
Мехенгладбах игра слабо во последно време
И минатата сезона фудбалерите на Мехенгладбах не се прославија, иако очекувањата беа големи, завршија на 10-то место на табелата. И оваа сезона Борусија има високи амбиции, но како што стојат сега работите далеку се од пласман во некое од европските натпреварувања. Имено, во моментов Мехенгладбах се наоѓа на 11-то место на табелата, меѓуто најголем проблем е што тимот во последно време игра многу лошо. На последните три меча освоија само еден бод, а во овој дуел влегуваат со два последователни порази. До сега Мехенгчадбах одигра шест меча на домашен терен и оствари четири победи и два порази. Овој дуел со Штутгарт доаѓа во најтежок момент, бидејќи Мехенгладбах има голем проблем со отсутни фудбалери. Имено, тренерот Фарке нема да може да смета на Зомер, Лајнер, Волф, Хофман и Нојхаус.
Дали е време за прва гостинска победа на Штутгарт?
Штутгарт минатата сезона едвај успеа да се спаси од испаѓање и да остане во елитата, а и оваа сезона не започна баш најдобро. Тимот моментално е на 15-то место на табелата, но само два бода над зоната за испаѓање. Меѓутоа, добра вест е што Штутгарт полека влегува во добра форма и запиша две победи на последните три меча. Секако дека и оваа сезона примарна цел на тимот ќе биде обезбедување на опастанок, а се чини дека имаат квалитет за тоа. Штутгарт игра подобро на домашен терен, а што се однесува до гостувањата, на пет меча избраниците на Вирем не запишаа ниту еден триумф. На последните две гостувања Штутгарт не се прослави, но треба да се напомене дека играше против силни противници. Во клубот сега гледаат шанса за прв триумф на гостински терен бидејќи му гостуваат на тим кој е во лоша форма. Што се однесува до тимот, тренерот за овој меч ќе го има цел тим на располагање, а под знак прашалник е само Вангоман.
Очекување
По традиција овие два тима играат натпревари со многу голови, па очекуваме така да биде и овој пат. Двата тима на овој меч гледаат шанса за излез од тешката ситуација и ќе се обидат да стигнат до трите бода.
Be the first to comment