ЕУРО 2020: Турција – селекција од која може да се очекува и многу и малку

Составот на Турција за Еуро 2020 ја има првичната форма, но тој пред стартот на шампионатот од 30 ќе биде скратен на 26 играчи. Се работи за одлична селекција, можеби една од најдобрите во историјата на Турција или најмалку рамо до рамо со онаа селекција на Турција која стигна до третото место на СП во 2002 година и тоа токму под водство на истиот селектор кој ќе ја предводи селекцијата и на ЕУРО 2020.

Менаџерот Шенол Ѓунес има одличен состав на располагање, со фудбалери од најдобрите турски екипи, но како никогаш досега Турција има и еден куп играчи кои играат на највисоко ниво во најдобрите лиги во Европа.

Тимот на Турција за Еуро 2020:

Г: Мерт Гунок (Истанбул Башакшехир)

Г: Угурчан Чакир (Трабзонспор)

Г: Гокан Акан (Кајкур Ризеспор)

Г: Алтај Бајиндир (Фенербахче)

Д: Каан Ајхан (Сасуоло)

Д: Каглар Сојунчу (Лестер Сити)

Д: Мерих Демирал (Јувентус)

Д: Зеки Челик (Лил)

Д: Умут Мерас (Ле Авр)

Д: Озан Кабак (Ливерпул)

Д: Ридван Јилмаз (Бешикташ)

Д: Мерт Мулдур (Сасуоло)

С: Абдулкадир Амур (Трабзонспор)

С: Ченгиз Ундер (Лестер)

С: Ефекан Карача (Алањаспор)

С: Озан Туфан (Фенербахче)

С: Хакан Чалханоглу (Милан)

С: Окај Јокуслу (Вест Бромвич Албион)

С: Јусуф Јазичи (Лил)

С: Ирфан Кахвечи (Фенербахче)

С: Дорухан Токоз (Бешикташ)

С: Оркун Кокчу (Феенорд)

С: Халил Акунар (Гозтепе)

С: Махмут Текдемир (Истанбул Баакшехир)

С: Тајлан Анталијали (Галатасарај)

Н: Бурак Јилмаз (Лил)

Н: Халил Ибрахим Дервишоглу (Галатасарај)

Н: Кенан Караман (Фортуна Дизелдорф)

Н: Енес Унал (Хетафе)

Н: Керем Актуркоглу (Галатасарај)

Пандемијата дојде во добро време за Турција. Овој период минатата година, тие ќе беа на Еуро 2020 без Мерих Демирал, Озан Кабак, Јусуф Јазичи и Ценк Тосун кои беа повредени. Шенол Ѓунес посакуваше да има одложување на шампионатот и сега може да биде среќен бидејќи Турција ќе го има најсилниот можен состав.

Оваа година е поинаква. Тосун е повторно надвор од сројот, но другите играат и тоа на повисоко ниво ( во случајот на Кабак, тој сега стандардно игра за Ливерпул, по неговото јануарско заминување од Шалке ).

Ѓунеш ќе сака да ја врати Турција на голема врата, онаму каде што беше до пред една деценија. Тие имаа вознемирувачки пад во формата во Лигата на нации 2020-21, завршувајќи на дното во групата Б со само една победа од нивните шест натпревари. Но во меѓувреме, тие одиграа нерешено 3:3 и со Германија и со Хрватска, истакнувајќи го нивниот капацитет за високи дострели, но особено истакнувајќи ја својата крајно променлива форма. Во неодамнешните квалификации за Светското првенство не направија ништо за да го променат тоа: тие неочекувано ги декласираа Холанѓаните со 4:2 и победија во Норвешка кај Халанд со 0:3 пред да одиграат само нерешено со аутсајдерот Летонија 3:3.

Кој е менаџер на Турција?

Турчинот Шенол Ѓунеш е на клупата на Турција од 2019 година, откако повторно се приклучи на националниот тим по неговиот прв ангажман во периодот помеѓу 2000 и 2004 година. 68-годишниот Ѓунес беше човекот кој однесе Турција до третото место на Светското првенство во 2002 година, а управуваше со Бешикташ и Трабзонспор во три одделни прилики, меѓу другите улоги во турската лига.

Поранешниот голман стана менаџер во 1989 година со Болуспор, одржувајќи го високиот углед во Турција во текот на целата своја кариера. Освен две години мандатот на корејски Сеул, Ѓунес работи во Турција уште од неговата прва менаџерска работа во 1989 година.

Кој е најдобриот играч на Турција?

27-годишниот Хакан Чалханоглу е најдобриот играч на Турција без никаков сомнеж. Откако дебитираше во 2013 година, плејмејкерот на Милан играше 55 пати за Турција, постигнувајќи 13 погодоци.

Со неговото диригирање во средниот ред и носење на одлуки и прецизни додавања, Чалханоглу е незаменлив во тој дел од теренот. Освен тоа има топ во десната нога – прикажан за време на неговите настапи во националниот тим, во Баер Леверкузен и сега во Милан.

На Чалханоглу му се придружува меѓу најдобрите и напаѓачот и капитен Бурак Јилмаз, кој постигна 28 гола за својата земја.

Кој е најдобриот дел од тимот?

Она што е најдобро во Турција е дефанзивата. Дефанзивецот на Лестер Сити, Сојунчу е лидерот во одбраната, а кога покрај него со стандардните играчи на Јувентус и Ливерпул – Демирел и Кабак тогаш се е јасно. Имаат неверојатна дефанзивна тројка и селекторот мака ќе мачи за да се реши дали да игра со тројца или двајца класични бекови. Одлични се и страничните бекови каде се Челик од Лил, како и универзалците од Сасуоло Ајкан и Мудлар кои можат да одиграат на било која позиција во одбраната.

Предвидување:

Турција се наоѓа во Група А каде јасен фаворит е Италија, но останатите три селекции имаат речиси идентични шанси за пласман во следната фаза. Ова особено важи за Турција и Швајцарија кој се најголеми конкуренти на Италија, но никако не смее да се отпише ниту Велс.

Ако Турција одигра на високо ниво, не би ттребало да има проблем да ја мине групата. Но проблемот во Турција е неконзистентноста. Играат топло-ладно, можат да слават против Италија, а да загубат од Велс и од таа гледна точка тешко е да се предвиди нивниот настап.

Сепак според играчкиот кадар кој го предводи одличниот Ѓунеш кој веќе има големо искуство на големи турнири, нашите очекувања се дека во најмала рака Турција ќе ја мине групата, а веројатно и најмалку една елиминациска рунда.