Летонија и Црна Гора ќе ги отворат квалификациите за пласман на Светското Првенство во меѓусебен дуел во Рига, во рамки на групата Г.
Со оглед на тоа што Холандија, Турција и Норвешка се главните фаворити во оваа група, двете селекции не можат да си дозволат да го загубат натпреварот во Рига. Последниот тим во групата е Гибралтар, кој е тотален аутсајдер.
Црна Гора со големи амбиции
Доживеајќи само еден пораз на осум натпревари во 2020 година, Црна Гора крајно мотивирана патува во Летонија. Тие имаат високи амбиции кои за многумина се нереални, но црногорците веруваат дека можат до пласман на Мундијалот.
Новоназначениот селектор Миодраг Радуловиќ најави различен пристап и напаѓачка игра и дополнително ја зголеми атмосферата со што порасна оптимизмот пред претстојните 10 натпревари.
Почнувајќи од натпреварите против Летонија и Гибралтар, Радуловиќ ќе се надева дека ќе има максимални бодови на таблата кога ќе играат на домашен терен со Норвешка следната недела.
Реално, еден пораз од првите три меча ќе ги остави храбрите соколи аутсајдери но секако со можности да се замешаат во горниот дел од табелата.
Стеван Јоветиќ се врати во добра форма на клупската сцена со два гола кои ги постигна од последните четири натпревари за Монако. Освен тоа, Црна Гора има далеку поквалитетни фудбалери од Летонија, фудбалери кои играат во најдобрите фудбалски лиги.
Летонија ќе биде задоволно да заврши пред Гибралтар
Од перспектива на Летонија, тие имаа разочарувачка кампања во Лигата на нации и се реални пред овие квалификации, не очекувајќи баш ништо од селекцијата.
Летонија оствари само една победа од шест натпревари и тоа против Фарски Острови, Малта и Андора, реално ставајќи ги во ситуација да бидат задоволни со завршувањето на табелата дури и само пред Гибралтар во овие квалификации.
Единствена позитива е тоа што победата во Лигата на нации дојде на послендиот меч и тоа со убедливи 0:5 кај Андора, па тоа барем малку влева надеж дека можат да одиграат подобро оваа година. Летонија на последните три натпревари постигна девет гола, нешто што може да им даде поттик против Црна Гора. Но тие голови беа против многу послаби селекции од овој противник.
Be the first to comment