Лече е домаќин на последниот тим на табелата Л.Р.Виченза кој и покрај тоа што е само средина на сезоната, со едната нога е веќе испаднат во третата лига на Италија.
Лече брка пласман во Серија А
Многумина очекуваа Лече да го гледаат сезонава во Серија А, но Лече повторно грчевито с ебори за да остане во игра за пласман во италијанската елита и оваа сезона. Лече е на 4-то место со 31 бод или седум бода помалку од лидерот Писа кој е најголемо изненадување сезонава.
Лече игра добро, офанзивно и речиси на секој меч ги надигрува противниците, но до сега среќата им го врти грбот. Тешко губат – имаат само два порази сезонава, но и тешко победуваат. Имаат дури седум нерешени средби.
Минатата сезона долго време беа при врвот на табелата, но се чини дека пласманот во Серија А им избега поради киксовите со далеку послабите екипи. Сезонава таа лекција би требало да биде научено, па би рекол дека се крајно внимателни во дуелите како овој кога се големи фаворити.
Имаа 15 натпревари без пораз, пред да бидат поразени во минатото коло од лидерот Писа, но во текот на неделата покажаа сила и славеа над прволигашот Специа во Купот со 0:2. Во позитивна атмосфера, најавуваат повторно долга серија без пораз.
На Л.Р.Виченза им треба чудо
Л.Р.Виченза игра катастрофална сезона. По 17 одиграни натпревари има само седум бода, освоени од две победи и една нерешена средба. Чудно е тоа што екипата на терен не изгледа толку лошо, но едноставно не може да победи. Создаваат шанси, во некои дуели се многу подобри од противниците, но повторно губат.
Таков беше случајот и во минатото коло. Загубија од Комо со 0:1, а беа надмоќни. Имаа повеќе од 60% посед на топка и неверојатни 29 удари кон противничкиот гол. Но комо со осум удари даде гол и ги освои трите бода.
И пред сезоната важеа за кандидати за испаѓање, но од оваа гледна точка им треба чудо за да обезбедат опстанок. Бодовите треба да ги бараат дома или против екипи од својот ранг, не кај Лече.
Be the first to comment