АНТВЕРПЕН – ФЕНЕРБАХЧЕ
Последните две екипи од групата Д во Лигата на Европа ќе се судрат меѓусебе во четврток на Босуил стадионот во Антверпен, кога Кралскиот Антверпен го пречекува Фенербахче, при што и за двете екипи опцијата е само победа.
Ниту еден од двата тима не успеа да извојува победа во натпреварувањето за време на воведните три натпревари, што вклучува и нерешено во првиот нивни меѓусебен меч одигран во Истанбул кога беше 2:2.
Антверпен со големи очекувата и амбиции сезонава
Антверпен досега се мачеше во Лига Европа, поради што се најде на дното од групата Д со само еден бод. Со само едно реми досега, клубот има пет бода заостанување од квалификациското второ место и шест зад првиот тим на табелата Ајнтрахт Франкфурт.
Во Истанбул белгискиот тим водеше, откако поведе уште во втората минута благодарение на Самата. Сепак, на крајот Питер Геркенс им спаси бод.
Сепак, сезоната на Антверпен во белгиската Про лига е многу посилна, бидејќи тие моментално се наоѓаат на третото место. Проблем е тоа што тимот е неконстантен од нивниот последен европски натпревар, со едно реми, победа и пораз во последните три меча.
Амбициите на екипата сезонава се огромни, особено што Антверпен имаше одличен летен трансфер период. Потрошија многу пари и за нив ќе биде големо разочарување ако толку рано испаднат од Европа. Впрочем, раководството на тимот веќе постави ултиматуми до играчите и менаџерот, па можеби тоа беше дополнителна мотивација за конечно минатиот викенд екипата да се врати на победите.
Фенер во лоша форма патува во Белгија
Фенербахче е подеднакво сиромашен како и Антверпен од тој прв нивни меѓусебен натпревар, откако ги загуби двата првенствени натпревари одтогаш. Поразите беа идентични со по 2:1 од Аланијаспор и Коњаспор. Ако на ова се додаде и поразот од Трабзон пред првиот меч со Антверпен, тоа значи три лигашки порази во низа и палење на црвениот аларм во екипата.
Сепак, тие се само еднаш поразени во групата Д од Лигата на Европа, на вториот натпревар кога се соочија со Олимпијакос, а тој пораз беше проследен со две нерешени средби.
Турскиот клуб успеа да освои бод од воведниот натпревар против Франкфурт, но ќе треба повторно да победи и тоа сега во Белгија доколку сака да има шанси за пласман во нокаут фазата.
Фенербахче заостанува четири бода зад Олимпијакос, па со победата во четвртокот има потенцијал да изврши вистински притисок врз нив пред повторно да играат еден против друг.
Прогноза
Антверпен и понатаму ќе биде без Сандер Купман кој моментално се соочува со тешка повреда, иако Геркенс одлично се снајде во улогата на креативен играч за врска во текот на оваа сезона. Проблем е и отсутсвото на Наиголан кој дојде од Интер за да ја заврши својата кариера во оваа екипа, а тој со искуството и тоа како ќе му помогнеше на тимот во еден вака важен меч.
Гостите од друга страна немаат проблеми со повредени фудбалери и Переира ќе може да излезе на терен со најдобрите. Според Букмејкерите гостите се фаворити, но јас искрено не гледам предност дека има било која од двете екипи.
Затоа е важно д аго погледнеме и првиот натпревар во Истанбул кога беше 2:2. Беше тоа одличен меч со многу шанси и пред двата гола. Фенер можеби имаше повеќе шанси, но Антверпен ја имаше топката повеќе во своите нозе. Нешто слично очекувам и на овој возвратен меч, особено што двете екипи мораат да нападнат по трите бода.
Be the first to comment