Судбината на Костарика беше решена во интерконтиненталниот плејоф откако завршија на четвртото место во квалификациите за КОНКАКАФ. Ветераните кои сеуште се едни од главните во оваа селекција, Кејлор Навас и Брајан Руиз успеаја да го елиминираат Нов Зеланд со 1:0 со голот на поранешниот напаѓач на Арсенал, Џоел Кембел уште во третата минута.
За Костарика ова ќе биде шести настап на еден Мундијал, а воедно ќе игра третпат по ред на Светско првенство. Најголемиот успех го забележа на првенството во 2014 година, во Бразил, кога стигна до четврт-финалето.
Сепак, ќе биде тешко да се повтори тој успех. Костарика е селекција која е составена претежно од фудбалери кои немаат меѓународно искуство, со само неколку кои настапуваат или настапувале во Европа на високо ниво. Освен тоа, тие се најдоа во една од најтешките групи каде секој освоен бод за нив би било големо изненадување.
Ранг листа на ФИФА: 31 (март 2022 година)
Регионален пласман: 3 (КОНКАКАФ)
Настапи на Светско првенство (последен): 5 (Русија 2018)
Како се квалификуваа: Победници во интерконтиненталниот бараж против Нов Зеланд ( 1:0 )
Последни натпревари (сите натпревари):
2022: 5W-0L-1D (Голови: 7 постигнати / 1 примени)
2021: 5W-6L-7D (Голови: 14 постигнати / 18 примени)
Тренер: Луис Фернандо Суарез (Колумбија) од Јули, 2021 година
Најдобри фудбалери: Кејлор Навас (ПСЖ / Франција), Брајан Руиз (Алахуеленсе / Костарика), Џоел Кембел (Монтереј / Мексико)
