Денес има мала понуда за обложување, а ние ќе го анализираме дуелот од Серија А помеѓу Каљари и Милан.
Каљари е добар домаќин
Главна цел на Каљари и оваа сезона е да обезбеди опстанок во лигата и според тоа како играат до сега не би требало да имаат проблем да го остварат тоа. Моментално се на 14-то место на табелата и се оддалечени солидни шест бода од зоната за испаѓање. Овој тим е познат по добрите игри на домашен терен и овде тешко губат бодови. Во моментов се во добра форма и на последните четири меча имаат само еден пораз со две победи и едно реми. Сега на гости им доаѓа еден од најсилните тимови во лигата и реми би бил позитивен резултат за нив.
Милан се бори за Скудетото
После катастрофалната сезона во која останаа без пласман во Европа, јасно е дека Алегри го препороди овој тим кој сега се бори за Скудетото и има само еден бод помалку од лидерот Интер. Интересно Милан сезонава ги доби сите дерби дуели, но направи многу киксови против малите тимови. Од тој аспект овој меч воопшто нема да биде лесен за „росонерите“, кои исто така имаат и проблем со повредени играчи. Добрата вест е што Леао се врати од повредата и најверојатно ќе биде во стартниот тим. Сепак, ова е меч во кој Милан нема право на кикс ако сака да покаже дека е кандидат за титулата.
Очекување
Формата и квалитетот се на страната на гостите, но ова по традиција е тешко гостување, па веруваме дека ќе биде неизвесен дуел со голови на двете страни.
Be the first to comment