Денес има мала понуда за обложување, а ние ќе го анализираме дуелот од Африкански Куп на нации помеѓу Ангола и Зимбабве.
Ангола нема право на кикс
Ангола одлично се претстави на претходното Африканско првенство и играа во четвртфиналето. Тоа беше трет пат Ангола да се пласира меѓу осумте најдобри селекции на „црниот континент“. Од оваа селекција се очекуваше многу во квалификациите за Светското првенство, но брзо ги прокоцкаа шансите да одат на ,Мундијал следната година, па затоа ова натпреварување во Мароко е најважно за нив. Не започнаа добро, во првото коло беа поразени од Јужна Африка со 2:1, а по Зимбабве ќе имаат уште потежок натпревар отколку со Јужноафриканците, бидејќи Салах и египетскиот тим ќе бидат следен противник. Селектор на Ангола е Французинот Патрис Бомел, тој веќе предводеше две африкански селекции, Замбија и Брегот на Слоновата Коска, па има големо искуство на овој турнир. Поради тоа Ангола нема право на кикс и ова е клучен натпревар за оваа селекција.
Зимбабве изненади во првиот меч
И оваа репрезентација започна со пораз во првото коло од овој Куп на Африкански нации. Зимбабве беше многу блиску до сензација и освојување бод во дуелот со „Фараоните“, но Мохамед Салах постигна гол во првата минута од судиското продолжение за триумф на Египет. Претходно, Зимбабве поведе со гол на Дубе, само за Омар Мармуш од Манчестер Сити да израмни во средината на второто полувреме. Мора да се признае дека беа пријатно изненадување, особено што дојдоа во Мароко без двајца од највредните фудбалери, Маршал Мунеци од Вулверхемптон и Џордан Земура од Удинезе. Интересно е што селектор на Зимбабве е Романецот Марио Мариника, кој ја презеде оваа репрезентација пред нешто повеќе од еден месец од Германецот Михаел Нес, кој беше отпуштен поради неуспех во квалификациите за следниот Светски шампионат. Зимбабве исто така ќе ги вложи сите карти на овој дуел кој е клучен за двете селекции.
Очекување
Двете репрезентации ќе одат на победа бидејќи не им одговара реми, па нема многу да калкулираат и поради тоа веруваме дека ќе има голови на двете страни.
Be the first to comment