Денес има голема понуда за обложување, а ние ќе го анализираме дербито во Премиер лигата помеѓу Манчестер Сити и Манчестер Јунајтед.
Сити сака да се врати на врвот
Сите во Сити ќе се обидат што побрзо да ја заборават минатата сезона, бидејќи сигурно беше најслабата во последните дваесет години, иако по неколку одлични години, можеби беше очекувано дека ќе се случи таква сезона, која англискиот гигант ја заврши без трофеј. Единствено позитивно е што момците на Пеп Гвардиола сепак успеаја да ја достигнат својата примарна цел, а тоа е секако пласман во ЛШ. Секако, спортскиот сектор на Сити работеше добро па во клубот пристигнаа неколку многу интересни фудбалери, а мислиме на Рејндерс, Шерки, Нури и голманот Донарума, па веќе е очигледно дека тимот е многу посилен од минатата сезона, иако заминаа Де Брујн и Грилиш. Во првото коло новите засилувања покажаа дека брзо се вклопиле и Сити запиша висока победа, но потоа следуваше шок против Тотенхем. Тоа покажа дека на тимот ќе му биде потребно време, но секако целта на Гвардиола оваа сезона е да се бори за титулата.
Јунајтед повторно почна лошо
Манчестер Јунајтед влегува во новата сезона со надеж дека претходната, која заврши на катастрофално 15-то место во Премиер лигата, беше апсолутно дно и дека не може да биде полошо од тоа. Очекувањата на навивачите не се големи, а тимот на Рубен Аморим практично почнува одново. Отсуството на учество во европските натпреварувања му дава на португалскиот тренер драгоцено време да ги пренесе своите идеи и да изгради тим според сопствениот модел. Во офанзивата, Матеус Куња и Брајан Ембеумо пристигнаа за вкупно околу 155 милиони евра, со цел да донесат креативност и голови. Потрагата по вистинскиот напаѓач заврши со купувањето на Бенџамин Шешко од Лајпциг за околу 85 милиони. И покрај се сезоната за Јунајтед не почна добро, загубија од Арсенал на стартот, а потоа доживеаа срамна елиминација во купот. Минатото коло дојдоа до првата победа и тоа тешко издвојувана, а сега го имаат најтежкиот можен противник. Квалитет во тимот секако има и ќе се обидат да ги изненадат градските ривали.
Очекувања
Сити е фаворит во ова дерби, најмногу поради домашниот терен, но Јунајтед сигурно нема лесно да се предаде и ќе сака да запише позитивен резултат. Очекуваме ефикасно дерби
Be the first to comment