Денес фокусот е во натпреварите од квалификациите за светското првенство, а ние ќе го анализираме дуелот помеѓу Србија и Англија.
Момент на вистината за Србија
Откако Драган Стојковиќ седна на клупата на „Орлите“, пласманите на големите натпреварувања не се доведени во прашање, но оваа селекција не постигна добри резултати таму. Во Лигата на нации, „Орлите“ оставија добар впечаток. Србија ја заврши групната фаза на третото место на табелата со два бода помалку од второпласираните Данци, а по двомечот против Австрија, беше освоен опстанокот во А дивизијата. Примарна цел во овој циклус е, секако, квалификацијата за завршниот турнир на Светското првенство, а по три одиграни натпревари Србија е на второто место во групата. Сега е мометот на вистината за Пикси и дружината бидејќи на гости им доаѓа лидерот и најголем фаворит, селекцијата на Англија. Патем, треба да се спомене дека последниот пораз на оваа екипа беше пред една година, во Лигата на нации на гостувањето кај Шпанија, кога беше 3:0, по што „Орлите“ имаат шест натпревари без пораз.
Англија до сега перфектна
Англија има фантастична генерација и веќе долго време многу се очекува од Гордиот Албион, но никако да постигне голем успех на големите натпреварувања. Стигнува до самата завршница, но никако да се закити со злато, па јасно е дека нешто им недостасува. Тоа ќе биде главната цел на селекторот Тухел, па пласманот на Светско првенство воопшто не треба да биде доведен во прашање. Англија е перфектна до сега и има четири победи на четири меча, но треба да се напомене дека не игра убедливо. На двата меча против Андора се мачеше и оствари две неубедливи победи. Ова е најтежок меч за нив во овие квалификации и сигурно ќе мора да го подигнат нивото на игра. Србија е нивни најголем конкурент за првото место во групата, па поради тоа и реми би бил добар резултат на ова гостување. Секако оваа ѕвездена селекција на секој меч оди на победа и трите бода и овој пат ќе бидат императив.
Очекување
Дерби во групата па очекуваме неизвесен дуел кој ќе го одлучуваат ситни детали, но исто така очекуваме ефикасен дуел со голови на двете страни.
Be the first to comment