UFC

UFC претставува водечка светска организација за мешани боречки вештини (ММА), формирана во 1993 година во САД. На своите почетоци, сите натпревари беа со минимални правила со цел да се утврди кој боречки стил е најдоминантен. Сепак, како што изминува времето, UFC станува регулиран спорт кој е доживува мега популарност и огромни финансиски договори.

Како функционираат борбите (октагон, рунди, правила)

Како и во секое официјално натпреварување, така и во UFC има строги правила. Борбите се одвиваат во „октагон“ што во превод значи осумаголен кафез дизајниран за безбедност и динамика. Обичните мечеви траат три рунди, а главните и тие за титула – пет. Победата може борците да ја издвојат преку преку нокаут, предаден меч (submission), судиска одлука или дисквалификација.

Популарност на UFC во светот и на Балканот

Денес UFC се гледа во повеќе од 150 земји и постојано руши рекорди со продажбата на PPV. Борби како McGregor против Khabib собираат милиони гледачи и предизвикуваат огромен интерес на социјалните мрежи. И кај нас на Балканот популарноста дефинитивно расте, а за тоа сведочи и настанот кој беше неодамна во Белград. Исто така се повеќе се обезбедуваат ТВ преноси, обложувалниците нудат различни опции за кладење итн.

Категории и типови на настани

UFC има прецизно поделени тежински категории и за мажи и за жени – од најлесните (Flyweight) до најтешките (Heavyweight). Настаните се делат на „обични“ UFC Fight Night вечери и големи PPV спектакли со бројки, како на пример UFC 300. Дел од целата приказна се и ријалити шоуата како The Ultimate Fighter (TUF), каде што нови борци добиваат шанса да влезат во UFC.

UFC 323 aнализа и квоти за победник

Како и во предходниот период, UFC 323 ни носи возбудувања и големи битки за тронот. Во главниот настан силите ќе ги одмерат Мераб Двалишвили и Петр Јан

UFC 323 главна борба: Мераб Двалишвили против Петр Јан

Главниот настан на UFC 323 е реванш за титулата во бантам категорија меѓу шампионот Мераб Двалишвили и поранешниот првак Петр Јан, кој ќе се одржи на 6 декември 2025 во Лас Вегас. (7 декември во 4 часот сабајле, по македонско време). Дефинитивно, борбата ќе биде интересна, со два различни боречки стилови.

Мераб Двалишвили остварува победи така што наметнува силен ритам од прва до последна минута: постојано оди во напад, го „лепи“ противникот на оградата, ја користи секоја прилика за борење и прави серија на соборувања. На тој начин го држи мечот под своја контрола. Во првиот нивен дуел токму ваквиот начин на борба ја направи победничката разлика. Тогаш, Мераб не му дозволи на Јан да се намести за борба во стоечки став, туку го замори со постојан притисок и борење на под.

Петр Јан е борец што најмногу блеска кога мечот се одвива на нозе: прецизни удари, брзи контранапади и силни удари во телото на противникот, со кои знае да го казни секој што влегува во рингот без добра подготовка. За да го сврти овој реванш во своја корист, ќе мора подобро да ги брани соборувањата и да го држи мечот на дистанца, каде што неговите раце се најопасни.

Според стиловите и првата борба, обложувалниците му даваат голема предност на Двалишвили, затоа што ако повторно успее да ја префрли борбата во клинч и партер, ќе го троши Јан рунда по рунда; но ако Јан го спречи тоа и го натера Мераб да остане во стоечка положба, тогаш има реална шанса да ја врати титулата. UFC 323 ќе покаже дали Мераб ќе остане “машина” во октагонот на UFC или Јан ќе ја врати титулата, со што ќе прекине победничката серија на Двалишвили.

Квоти за UFC 323: Merab Dvalishvili против Petr Jan

Кладилница	Мераб Двалишвили	Петр Јан
	1.21	4.50
	1.27	3.835
	1.20	4.20
	1.24	3.68
	1.27	3.835
	1.24	3.68
	1.24	4.10
	1.27	3.835

Актуелни шампиони и водечки борци

Во моментов неколку големи имиња се на самиот врв на UFC. Илија Топурија блесна како нов шампион во таканаречената перо категорија и тоа му е сосема заслужено бидејќи на импресивен начин го победи Александар Волкановски, а без конкуренција во лесна категорија е се уште Ислам Махчев. Неодамна, Илија Топурија го победи и Оливеира, што му овозможи титули во две категории.

Интересно е тоа што Хамзат Чимаев иако е се уште без титула, тој е многу познат и атрактивен во MMA и сето тоа благодарение на својот агресивен стил. Изненадување во средната категорија е Ду Плесис кој освои титула, додека Мераб Двалишвили во моментов е „крал“ на петел категоријата со серија доминантни победи над елитни противници.

Секој од овие борци е приказна за себе. Некои имаат брутална експлозивност и прецизни удари, додека кај некои техниката и максималната контрола си го прават своето. Поради сето ова, фановите со нетрпение ги очекуваат главните борби на PPV настаните.

Некои веќе имаат најавено следни борби, како на пример Махачев – Топурија. Други пак како Чимаев се уште ја чекаат шансата за титула, а тоа дополнително ја „вжештува“ атмосферата.

Сведоци сме дека од Балканот се повеќе борци добиваат шанса за настап. Урош Медиќ е еден од тие кои запиша веќе неколку победи во UFC, а прогнозите за него се навистина позитивни.

Како што и претходно кажавме, UFC спортот се повеќе и повеќе станува атрактивен и на нашите простори.

Интересни факти и UFC рекорди

UFC има богата историја полна со уникатни и интересни моменти, спектакуларни победи и рекорди што се уште се непроменети. Некои од нив се толку импресивни што станаа дел од ММА културата и се спомнуваат со години.

Најбрзиот нокаут во историјата на UFC го постигна Хорхе Масвидал за само 5 секунди против Бен Аскрен. Тоа е момент што се врти на социјалните мрежи и до ден-денес. Во однос на најмногу успешни одбрани на титула, Андерсон Силва држи рекорд со 10 последователни одбрани во средна категорија.

Некои борби се паметат по изненадувањата – како што беше победата на Мет Сера против Џорџ Сент-Пјер, што важи за едно од најголемите шокантни изненадувања во историјата на UFC. Исто така, легендарните ривалства како Нејт Диаз против Конор Мекгрегор, или Хабиб против Мекгрегор, го одбележаа спортот и генерираа милиони гледачи.

Покрај сериозната страна, UFC има и забавни и необични моменти. Некои борци се прославија по своите влезови, прослави или стилови на интервјуа – како Мајкл Чендлер или Педи Пимблет. Овие детали ја прават UFC сцената атрактивна и интересна не само како спорт, туку и како забава.

Како да се гледа UFC – ТВ и стриминг

UFC може да се гледа во живо на повеќе платформи, и во Македонија и во Србија постојат неколку легални и достапни опции. Главен ТВ преносител за регионот е Арена Спорт, особено Arena Fight каналот, која емитува и Fight Night и главни PPV настани.

За оние кои сакаат целосен пристап до сите борби, постои официјалната платформа UFC Fight Pass. Таа нуди директен пренос на early prelims, ексклузивни настани, архивски борби и специјални емисии. Месечната претплата е достапна и за Балканот, а може да се гледа преку веб, мобилен или смарт телевизор.

Некои обложувалници во регионот, како 22Bet, 1xBet, Bet365, нудат бесплатен UFC стриминг за активни корисници. Ова е популарна опција за гледање во живо додека истовремено се следат квотите и се типува.

UFC во MK може лесно да се гледа и преку мобилни апликации, Smart TV уреди, Chromecast или Android Box. Квалитетот на преносот зависи од интернет конекцијата, но платформите како Fight Pass обезбедуваат HD квалитет без реклами.

Често поставувани прашања за UFC