Тунис се пласираше на Светското првенство благодарение на победата во последната квалификациска рунда против Мали, резервирајќи го шестиот настап на Мундијалите. Но за разлика од предходните настапи, Северноафриканците сега имаат солиден тим кој конечно може да им донесе пласман во нокаунт рундата за прв пат во историјата.
Поголемиот дел од тимот е составен од играчи кои играат низ Европа, а нивниот главен творец е напаѓачот на Сент Етјен, Вахби Казри, додека младиот играч на Манчестер Јунајтед, Ханибал Мејбри е едно од имињата на кои што треба да се внимава.
„Орлите од Картагина“ започнуваат нова ера на Светското првенство, со тренерот Жалел Кадри. Поранешниот асистент, Кадри ја доби главната функција од Фудбалската федерација на Тунис во Јануари – заменувајќи го Мондер Бебаер, кој ја плати цената за настапот под очекувањата на Африканскиот куп на нации.
Ранг листа на ФИФА: 35 (март 2022 година)
Регионален ранг: 5. (CAF)
Титули на Светскиот куп: –
Настапи на Светско првенство (последен): 5 (Русија 2018)
Како се квалификуваа: победници во баражот на CAF (по продолженија 1:0 против Мали)
Последни натпревари (сите натпревари):
2022: 3W-3L-1D (Голови: 6 постигнати / 3 примени)
2021: 12W-4L-1D (Голови: 29 постигнати / 12 примени)
Селектор: Жалел Кадри (Тунис) од јануари 2022 година
Најдобри фудбалери: Вахби Казри (Сент Етјен / Франција), Ханибал Мејбри (Манчестер Јунајтед / Англија), Али Маалул (Ал Ахли / Египет)
