Луис ван Гал во својата трета шанса на холандското жешко столче ќе се надева дека ќе го искористи целото свое искуство за да ги води Холанѓаните до голем успех на Светското првенство во првиот настап на турнирот по осум години. А за Холандија, голем успех ќе биде барем полуфинале.
Третопласираните во 2014 година не успеаја да стигнат во Русија на минатиот Мундијал, но холандскиот фудбал во целина се подобри од тогаш и на клубски и на репрезентативен план. Дојдоа некои нови момци во селекцијата и се желни за успех, па сега предводени од новата генерација на таленти кои ги вклучуваат Френки де Јонг од Барселона и Матијс де Лихт од Јувентус имаат неверојатен талент во сите линии на теренот.
Предводени од столбот на Ливерпул, Вирџил ван Дијк кој ќе се обиде да го зацврсти своето место како најдобар дефанзивец во светот – Холанѓаните ја освоија квалификациската група во која беа Турција и Норвешка и тоа н аубедлив начин со само еден пораз, а сега се надеваат дека ќе продолжат во ист стил и во Катар.
Ранг листа на ФИФА: 10 (март 2022 година)
Регионален пласман: 7. (УЕФА)
Титули на Светско првенство: –
Настапи на Светско првенство (последен): 10 (Бразил 2014)
Како се квалификуваа: Победници во УЕФА Група Г: 7W-1L-2D
Последни резултати (сите натпревари):
2022: 1W-0L-1D (Голови: 5 постигнати / 3 примени)
2021: 11W-2L-3D (Голови: 46 постигнати / 14 примени)
Тренер: Луис ван Гал (Холандија) од Август, 2021 година
Најдобри играчи: Матијс де Лихт (Јувентус / Италија), Вирџил ван Дијк (Ливерпул / Англија), Френки де Јонг (Барселона / Шпанија)
