Професионално кладење е многу озбилна работа која од вас бара и многу пари и време. Времето потребно ви е за пороучување на понуди, анализа на сите случувања врзани за вашиот иден облог. Исто така тука спаѓа и консултирање и информирање од други играчи, водење статистики и вложување пари.
Професионално кладење: Бирање на вистинските парови
Случувањата од понудата треба да се бираат вешто и внимателно. Постојат многу луѓе кои за спортот и одреден настан знаат многу повеќе од некој просечен коцкар, ама не се многу успешни во кладењето. Причината за тоа е самодокажувањето и предвидувањето на најатрактивните случувања. Кои се воедно и најтешки за погаѓање. За нив дерби натпреварите се оние кои му го хранат егото, па затоа и губат. Славните и познати клубови се нивна мета без разлика на моменталната сила на играчите. Исто така и куповите и егзотичните лиги се вистински предизвик и спаѓаат во потешки за погаѓање.
Играчите често паѓаат на утакмици кои треба да се рутински и „сите знаат“ како ќе завршат. Статистиката покажува дека таквите сигурни натпревари најчесто знаат да земат голем број на влогови. Покрај тоа, кладењето не е за навивачи, и секогаш бидете реални и објективни. Не ги фаворизирајте „симпатичните“ клубови и не ги потценувајте оние другите. Имајте на ум дека поголемиот дел од успешните играчи никогаш не се кладат на утакмици на сопствениот клуб.
Влогови
Влоговите може да ги третираме како некоја врста на финансиска инвестиција во која се завршувањето на натпреварот ја знаеме само потенцијалната вредност. Таа вредност зависи од коефициентот на избраниот настан. Исто како во казино да ставите жетон на некој број. Додека се врти тркалото на рулетот, тие пари не припаѓаат на никој. Навикнете се така да гледате на кладењето.
Пари
Секогаш вложувајте само онолку колку што се спремни да изгубите.
Бидете искрени према себе и водете сметка за сопствената финансиска состојба. Правилна распределна на финансиските средства е најважниот дел од кладењето. Она што ќе го заработите е ваше и не се однесувајте на начин „како што дошло, така пошло“. Ова е една многу честа грешка кај непрофесионалните играчи.
Водете статистика за влогот, добивката и изгубените финансии – тоа е единствен начин да ги контролирате парите. Многу важно е да не ја менувате стратегијата до крајот – „само да ги вратам изгубените“, е она што има упропастено многу играчи.
И запамтете никогаш не се кладете со позајмени пари, ниту со пари кои ви се потребни за работи поважни од кладењето. Секогаш имајте на ум дека може да ги изгубите сите пари, овде немате гаранција.
Со постојано кладење на фаворити статистички гледано ве носи од мали добивки.
Добивка
Ценете ги нашите пари. Ако дневно вложувате 5 € и просечно добивате 5 €, ако сметате дека се кладите 25 дена месечно, добивката изнесува 125 € месечно односно 1500 € годишно. Секако гледано на годишно ниво тоа не е малку.
Самоконтрола – ова многу важно кога зборуваме за кладење, танка е линијата од кладење и коцкање. Па затоа правете го тоа одговорно и со самоконтрола. Ако сте оствариле заработка од 1000 €, а сте играле со фонд од 300 € вие имате профит од 700 €. Професионалното кладење налага вие да не започнете да играте со целокупните средства туку да започнете повторно со фонд од 300 €.
Разлика помеѓу професионален обложувач и коцкар:
Се чини дека луѓето од необјасниви причини сакаат да ги изгубат парите кои ги добиле. Коцкарот не запира со играње и никогаш не вели дека е задоволен. Ја поминува границата и почнува да губи, а потоа пробува да го врати изгубеното. На овој начин завршува со „дебел“ минус.
Исто за непрофесионално играње се смета доколку после неколку добивки вие го зголемите влогот, без размислување. На тој начин лесно може да се заработи, но и да се изгуби заработеното. Самоконтролата и внимателното играње не се одраз на страшливец – почитувајте ги парите.
Во серија со губитоци, не подлегнувајте на искушението да почнете со ирационални потези. Лоши потези што може да ги направите кога ќе започне серија на губитоци е:
- Драматично зголемување на влогот.
- Промена на стратегијата
- Кладење на поголем број натпревари
Ако вашата стратегија делувала претходно тогаш ќе делува и во иднина, клучна е дисциплината и трпението. Кога ќе започне серијата на лоши исходи тогаш е моментот да покажете дисциплина
Навика или професија?
Многу важно е да не се кладите колку да бидете во игра. Важни работи кои треба да ги имате на ум се:
- Чекајте ја вистинската понуда, таа е онаа што ќе ви оствари добивка
- Прифатливите парови се секогаш добри за играње
- Не се кладете на спортови или лиги кои не ги познавате
- Не се форсирајте
- Премногу ливчиња, премногу парови и кладење секој ден или повеќе пати дневно е лоша навика
Запамтете дека никого нема да импресионирате со големиот број на „ливчиња“ во џеповите. Ако ви се чини дека ништо не можете да погодите направете пауза. Играјте само тогаш кога ви прави задоволство.
Фаворити или ризик?
Ризикот не претставува губењето пари, како ни стравот од губење пари. Управување со ризикот е предвидување на можноста за губење и исплатливоста на таквите вложувања. Запамтете она што не може да се мери со никаква статистика и анализа е СРЕЌАТА.
Кладењето на фаворити односно на утакмици со низок коефициент често е неисплатливо за ризикот кој го носи. Можноста за да изгубите е многу поголема од заработката која ќе ја остварите. Имајте на ум дека коефициентите ги прават аналитичарите и често знаат да погрешат.
Верувајте си само себеси
Слушајте го секој, но на крајот одлучете сами. Најлесно е, фигуративно кажано да се кладите со туѓите пари. Често може да сретнете „мајтори“ за кладење, кои „безгрешно“ прогнозираат.
Пристап кон професионалното кладење
На кладењето пристапете му како на низа вложувања со променлив ризик. За коректно и профитабилно кладење секогаш треба да имате одредена сума на пари која ќе биде ограничена. Тоа сметајте го како стартен фонд на кој единствена намена ќе му биде кладењето. И секогаш имајте одредена сума која сакате да ја достигнете, и после достигнувањето запрете со играње.
