Сезоната 2019/20 на францускиот Лига 1 не беше доиграна и беше скратена поради пандемијата со Ковид-19. Многу брзо за разлика од останатите европски лиги, беше донесена одлука дека конечните позиции до моментот на прекинување ќе бидат конечни.
Тоа значеше дека ПСЖ ја освои титулата повторно, додека Марсеј и Рен обезбедија пласман во Лигата на Шампиони. Лил и Ница ги комплетираа првите пет, а Римс се квалификуваше во Лигата на Европа, откако завршија на шестото место.
Најголемо разочарување доживеа полуфиналистот од Лигата на Шампиони, Лион кој ја заврши сезоната на седмото место и за нив нема да има европскиот фудбал, додека Тулуз и Амиенс испаднаа од лигата, а плеј-офот за испаѓање беше укинат што значи дека само две екипи испаднаа.
Кој е најблиску до титулата
Фаворити за освојување на титулата во Лига 1 секако се фудбалерите на ПСЖ и во тоа нема никаква дилема.
Тимот од Париз сака да ја освои осмата титула во лигата во девет сезони, а со оглед на начинот на кој играа минатата сезона е многу тешко да се погледне кон друга екипа која би им ги расипала сметките.
Излишно е да се расправа премногу околу титулата. Сите екипи се многу далеку од ПСЖ и треба да се случи чудо за парижаните да не ја освојат титуата.
Коефициентот за тоа дека ПСЖ ќе ја освои титулата се движи околу 1.10, а експертите им даваат неверојатни 94% шанси за такво нешто.
Топ 3
Олимпик Марсеј беше одлично напаѓачи расположен минатата сезона, но беа крајно среќни што завршија на второто место.
Андре Вилас-Боас ја доведе својата екипа до Лигата на шампиони, но нивниот процес и прогрес во сезоната беше далеку од импресивен. Освен ако не се подобрат, ќе им биде тешко да го реплицираат своето второ место оваа сезона.
Тие не ја зајакнаа својата екипа, па затоа е тешко да се види дека повторно ќе имаат среќа и ќе бидат така успешни оваа сезона. Букмејкерите им даваат само 22,8% шанси да завршат на првите три места, така да коефициентот околу 2.20 за тоа воопшто не е за фрлање.
Рен пак беше уште поголемо изненадување што заврши на третото место. Како и Марсеј и тие имаа среќа да го сторат тоа. Тие разбирливо се аутсајдери на пазарот за да завршат повторно во топ-три, а според букмејкерите Рен би требало да заврши на шестото место сезонава.
Лион го сврте вниманието кон себе во последните неколку недели поради нивниот натпревар во Лигата на шампионите, каде што ги нокаутираа победниците во Серија А, Јувентус и вицешампионот на Англија, Манчестер Сити.
Но тие ја завршија скратената сезона на седмото место и од оваа гледна точка е жално што нема да играат во Европа, а стигнаа до полуфиналето на Лигата на Шампиони.
Екипата на Руди Гарсија има коефициент од 1.70 за да заврши во топ-три и јас верувам дека ќе успеат во тоа. Ќе бидат целосно насочени кон домашната лига, а тоа ќе биде голем плус во однос на своите конкуренти.
Обрнете внимание на Лил, кој полека но сигурно создава одличен тим. Осимех замина во Наполи, но сега тука е уште еден голем талент во нападот, Џонатан Дејвид кој дојде од Гент, а на кого треба да се обрне големо внимание.
Be the first to comment