Македонија гостува кај Израел во рамки на 7-то коло од квалификациите за пласман на Светското Првенство во 2018 година во Русија. Овој меч е да се биде или не за Македонија, а нашите репрезентативци со нетрпение очекуваат да излезат на терен и да докажат дека поседуваат многу поголем квалитет од оној на кој укажуваат резултатите во овие квалификации.
Ангеловски овој пат ќе нема алиби за неуспех
Нашата репрезентација игра лоши квалификации. Очекувањата беа дека можеме да дојдеме барем до 4-то место на табелата и да бидеме барем пред една од двете селекции кои се пред нас во моментов Израел или Албанија но тоа тешко дека ќе се случи, барем од оваа гледна точка и пред овој дуел против Израел. Првите две места секако беа загарантирани за Шпанија и Италија. Сепак досега освоивме само 3 бода на 6-те одиграни натпревари и тоа оние пресметани бодови уште пред стартот на квалификациите против аутсајдерот Лихтенштајн. Загубивме од Шпанија на два пати, дома од Италија и Израел и во гости од Албанија, па според тоа и не можеме да очекуваме подобар пласман на табелата, без разлика што според играта можевме да извлечеме уште некој бод од мечевите со Израел, Албанија и Италија.
Селекторот Ангеловски досега се жалеше за тоа дека го нема најдобриот состав, бидејќи дел од фудбалерите беа во младата селекција на Македонија која играше на Европското Првенство во Полска, но овој пат нема да има алиби за евентуален неуспех бидејќи ги има на располагање најдобрите играчи. Составот е видно освежен со приклучувањето на најдобрите во младата репрезентација, а фудбалерите се во одлична форма во своите екипи. Барди е неверојатен во неговата нова средина Леванте каде веќе и го постигна деби голот во Ла Лига, Несторовски и Трајковски се најдобрите играчи во Палермо и во првото коло беа стрелци на голови, Алиоски се наметна веднаш во Лидс Јунајтед каде веќе забележа две асистенции и еден гол, Пандев е стандарден и игра одлично во Џенова. Фудбалерите кои доаѓаат од Вардар имаа успешен настап во Лигата на Европа каде испишаа историја, а конечно голманот Димитриевски почна да брани стандардно за својата екипа. Се на се, ова е одлична можност за Македонија конечно да почне да победува бидејќи коцките се наместени во наша полза и оваа шанса не смееме да ја пропуштиме.
Израел е во лоша форма, нема победа на три меча во кои прими 7 гола, а постигна само еден. Селекторот Леви испроба еден куп фудбалери, но се чини дека никако не може да ја најде формулата за успех и покрај тоа што Израел има доста квалитетни фудбалери кои играат во најсилните европски лиги. Нашите момци се желни за победа на овој меч и веруваат во тоа, особено што на првиот меч во Скопје, Македонија беше многу подобар тим на теренот, имаше посед на топка, повеќе шанси но немаше завршница и поразот беше неминовен.
Македонија ги проба сите можни формации во овие квалификации
Македонија досега одигра вкупно 6 натпревари во овие квалификации и слободно можеме да заклучиме дека селекторот Игор Ангеловски сеуште ја нема пронајдено вистинската формација на репрезентацијата. Игравме 5-3-2, 5-4-1, 4-2-3-1, 4-4-2 па можеби и уште некоја формациска поставеност во зависност од квалитетот и силата на противникот. Но колку тоа е добро за една репрезентација ? Одговорот е јасен, Не е добро. Фудбалерите и така имаат премалку време за тренинзи во репрезентацијата, па овие смени сигурно им се уште поголем товар, иако досега според играта и не се држиме така лошо како што изгледа според резултатите. Овој пат против Израел, Ангеловски има свежи сили и многу посилен состав но се двоуми околу две варијанти, дефанзивна или офанзивна.
Првата варијанта е формација 3-5-2 со засилена одбранбена линија:
Димитриевски; Велковски, Ристевски, Зајков; Спировски, Николов, Барди, Ристовски, Алиоски; Пандев, Несторовски.
Втората формација која е во мислите на Ангеловски е 4-2-3-1 и е поофанзивна:
Димитриевски; Ристевски, Велковски, Зајков, Ристовски; Николов, Барди; Алиоски, Пандев, Трајковски; Несторовски.
Израелците под голем притисок на домашната јавност
Израелскиот селектор Елиша Леви е под голем притисок од страна на фудбалската јавност во оваа земја но и од страна на фудбалската федерација на Израел. Оваа репрезентација стартуваше одлично со победи над Македонија, Лихтенштајн и Албанија и очекуван пораз од Италија, но потоа следуваа два тешки порази, прво од Шпанија со 4:1 и дома од Албанија со 0:3. На ова ако се додаде и ремито против Молдавија во пријателски натпревар, јасно е зошто израелците се разочарани во последно време. Евентуален неуспех против Македонија ќе значи и сигурен отказ за израелскиот селектор, а според тоа јасно е дека Израел ќе мора да игра со отворен гард што ќе биде добра шанса за Македонија и крилните фудбалери кои ќе имаат отворен пат кон противничката половина. Леви има и големи проблеми на голманската позиција и допрва треба да одлучи во врска со неговиот стартен голман, дали тоа ќе биде Омри Глејзер од Макаби Хаифа или Ариел Харуш од Анортозис Фамагуста, додека на останатите позиции познати се речиси сите играчи.
Формација 4-2-3-1:
Глејзер; Бен Хаим, Цедек, Битон, Давидзада; Кохен, Начо; Бен Хаим, Захави, Еинбиндер; Рафаелоф
Израел има 4 од 4 против Македонија
Во претходните четири меча Израел забележа исто толку победи над Македонија, а интересно е тоа што сите победи биле минимални, односно со еден гол разлика. Во првиот меч кој беше од пријателски карактер во 2002 година, Израел во Скопје победи со 2:3, во еден од најинтересните натпревари кои ги одиграла Македонија. Нашата селекција прво израмни на 2:2 во 91-та минута, но гостите постигнаа гол во 94-та минута. Потоа следуваа три меча во квалификациски циклуси. Израел славеше со 1:2 во Скопје и со 1:0 во Тел Авив во 2007 година во квалификациите за пласман на Европското првенство, додека на првиот меч во овие квалификации славеше со 1:2 во Скопје минатата година иако Македонија беше далеку подобра екипа на теренот а и промаши пенал во 95-та минута преку Адис Јахович.
Предлог тип:
Време е за победа на Македонија, но ние овој пат нема да ризикуваме и ќе ви предложиме две многу веројатни варијанти со многу помал ризик, а со одлични коефициенти:
Реми или победа на Македонија @ 2.30 во бет365
Двете екипи да постигнат гол @ 2.20 во бет365
2 Trackbacks / Pingbacks