Денеска подготвивме тикет од три натпревари од Лигата на нациите, а сите три пресметки започнуваат во 20:45 часот. Нашата комбинација вклучува две гостински победи и еден домашен триумф, со вкупен коефициент 3.38 во 22Bet. Избравме репрезентации кои имаат јасни мотиви, подобри резултати во досегашниот тек од натпреварувањето и конкретни аргументи за победа. Германија гостува кај Србија во потрага по важни бодови, Словачка сака да ја потврди лидерската позиција против Фарските Острови, додека Исланд оди во Бугарија со намера да ја продолжи серијата без пораз. Да видиме зошто веруваме во оваа комбинација.
Србија – Германија – Победник 2 @ 1.30 во 22Bet
Првиот натпревар од нашиот тикет се игра на стадионот „Рајко Митиќ“ во Белград, каде што Србија ја пречекува Германија во петтото коло од групата 2 во Лига А. Домаќините имаат катастрофален биланс во досегашниот тек од натпреварувањето. Четири натпревари, четири порази и ниту еден освоен бод. Србија загуби со 1-2 дома од Грција, со истиот резултат од Холандија, потоа со 0-2 на гостувањето во Германија, а во последното коло повторно беше поразена од Холандија со 1-2. Со само три постигнати и осум примени гола, јасно е дека оваа репрезентација има сериозни проблеми на двата краја од теренот.
Дополнителен проблем за Србија се бројните отсуства. Саша Лукиќ и Немања Максимовиќ се суспендирани, што значи дека домаќинот останува без двајца важни фудбалери во средниот ред. Александар Станковиќ е повреден, Алекса Терзиќ е болен, Душан Влаховиќ отсуствува од приватни причини, додека Филип Костиќ најверојатно нема да настапи поради повреда. Германија, пак, има пет бода и се наоѓа на третото место, па победата е неопходна за да остане во борбата за врвот. Германците пред еден месец ја совладаа Србија со 2-0, а сега им се враќа Нико Шлотербек, додека Јошуа Кимих повторно ќе игра во средниот ред. Во нападот се очекува Каи Хаверц, кој има 25 гола за репрезентацијата, а тука е и Флоријан Вирц. Точно е дека Германија не постигна гол на последните два натпревари против Грција и дека недостасуваат Џамал Мусиала и Серж Гнабри, но веруваме дека против ваква Србија има одлична можност да се врати на победничките патеки. Гостите имаат поголем квалитет и многу посилен мотив за освојување на трите бода.
Тип Победник 2 @ 1.30 во 22Bet е првиот натпревар.
Словачка – Фарски Острови – Победник 1 @ 1.37 во 22Bet
Вториот натпревар нè носи во Кошице, каде што Словачка ги пречекува Фарските Острови на „Кошицка фудбалска арена“ во петтото коло од групата 3 во Лига Ц. Словачка е лидер во групата со десет бода, три победи и едно реми, а гол-разликата од 9:2 доволно зборува за нејзините настапи. Во првите два натпревари на домашен терен ги совлада Молдавија со 2-0 и Казахстан со 2-1, по што одигра 1-1 на гостувањето кај Фарските Острови. Во последното коло следуваше убедлива победа од 4-0 на гостувањето во Молдавија. Значи, Словачка е непоразена, има две победи од два домашни натпревари и во оваа пресметка влегува по својот најефикасен настап во групата.
Фарските Острови се на второто место со четири бода, но интересно е што сите четири натпревари ги завршија нерешено. Трипати одиграа 1-1, против Казахстан, Молдавија и Словачка, а во последниот натпревар ремизираа со Казахстан со 2-2. Гостите се непоразени и тоа заслужува почит, особено затоа што пред еден месец ѝ одзедоа два бода на Словачка. Сепак, тие сè уште немаат победа во групата, а сега ќе играат без суспендираниот Мартин Агнарсон. Словачка има свои кадровски проблеми, бидејќи недостасуваат Станислав Лоботка, Лео Сауер и Адам Оберт, додека Томаш Суслов е под знак прашалник. Но, тука се Милан Шкриниар, Давид Ханцко, Ондреј Дуда, Давид Стрелец и Лукаш Харашлин. Сметаме дека домаќинот има доволно квалитет да ја наметне својата игра и да го искористи домашниот терен. По ремито на Фарските Острови, ова е добра можност Словачка да покаже зошто е прва во групата и да стигне до нова победа.
Тип Победник 1 @ 1.37 во 22Bet е вториот натпревар – чист кец е нашиот избор.
Бугарија – Исланд – Победник 2 @ 1.90 во 22Bet
Последниот натпревар од нашиот тикет се игра на стадионот „Христо Ботев“ во Пловдив, каде што Бугарија го пречекува Исланд во петтото коло од групата 4 во Лига Ц. Тука се одлучивме за гостинска победа, а главниот аргумент е одличниот биланс на Исланд. Гостите се први во групата со осум бода, две победи и две ремија, без ниту еден пораз. Уште повпечатлива е нивната гол-разлика од 7:1, бидејќи на четири натпревари примија само еден гол. Исланд започна со 1-1 против Естонија, потоа победи со 3-0 на гостувањето во Луксембург, со истиот резултат ја совлада Бугарија на домашен терен, а во последното коло одигра 0-0 на гостувањето во Естонија.
Бугарија има четири бода и се наоѓа на третото место. Домаќините досега забележаа една победа, едно реми и два порази, со гол-разлика 3:5. Особено е интересно што на домашен терен сè уште немаат победа во групата. Загубија со 1-2 од Луксембург и одиграа 0-0 со Естонија, додека единствениот триумф го остварија во последното коло, со 2-0 на гостувањето во Луксембург. Тој резултат покажува дека Бугарија не треба да се потцени, особено затоа што Исланд доаѓа без повредените Албер Гудмундсон, Микаел Андерсон и Свер Инги Ингасон. Сепак, во нападот на гостите се Ори Оскарсон и Андри Гудјонсен, а нивната стабилна одбрана е најсилниот аргумент за нашиот избор. Пред еден месец Исланд ја победи Бугарија со убедливи 3-0, а веруваме дека може повторно да биде поуспешен. Домаќинот има проблеми и со отсуствата на Кирил Деподов и Мартин Минчев. Кога ќе ги споредиме резултатите, дефанзивната сигурност и досегашниот меѓусебен дуел, сметаме дека гостите се поблиску до трите бода.
Тип Победник 2 @ 1.90 во 22Bet ја затвора комбинацијата.
ВКУПЕН КОЕФИЦИЕНТ ЗА ОВОЈ ТИКЕТ ВО 22Bet: 3.38
18+
Be the first to comment