Во петокот стартуваше фудбалскиот шампионат во Португалија. Во рамки на првото коло Маритимо во сабота вечер ја пречекува Брага на „Естадио дос Бареирос“, во меч во кој Брага ќе се обиде веднаш да ја објави кандидатурата за пласман на местата кои водат во Лигата на Шампиони следната сезона.
Маритимо го очекува тешка сезона
Домашната екипа избегна испаѓање минатата сезона, а сега сака да тргне со позитивен почеток за да избегне слична судбина овој пат. Ќе имаат тешка задача, особено по првиот официјален меч сезонава, односно дуелот во Купот. Маритимо испадна во првото квалификациско коло на Така да Лига по поразот од Боависта со 0:1 пред две недели.
Менаџерот на Маритимо, Хулио Веласкез претрпе пораз во неговиот 300-ти натпревар како менаџер.
Маритимо кој беше еден од главните носачи на португалскиот фудбал, веднаш зад онаа недостижна тројка во последните четири децении, завршија со само еден поен од опасната зона во сезоната 2020/21.
Недостатокот на завршница беше главен проблем минатата сезона, а тоа се покажа исто и против Боависта. Ако Маритимо не го засили нападот, ќе иа тешка задача пред себе и оваа сезона.
Брага со големи амбиции сезонава
Брага одигра дури осум подготвителни натпревари за оваа сезона, во која се очекува многу од овој тим. Но Брага претрпе пораз во првиот официјален меч во новата сезона, пораз од 2:1 од Спортинг Лисабон во Суперкупот во саботата.
Момците на Карлос Карвалхал поведоа преку Франсерџо, пред Кабрал и Педро Гонкалвес да го комплетираат импресивниот кам-бек за шампионот во Примера Лига.
Брага заврши на четвртото место по петти пат во последните седум години минатата сезона и сезонава уште еднаш ќе се обиде да ја прекине доминацијата на „Големата тројка“ (Спортинг, Порто и Бенфика).
Брага има импресивен рекорд против Маритимо, со 10 победи и три нерешени резултати од 18 натпревари уште од 2015 година. Брага секако е фаворит, поради многу причини, а единствената предност за Маритимо е домашниот терен кој тешко дека ќе биде доволен.
Be the first to comment