Денес во фокусот ќе бидат натпреварите од Лигата на шампиони, а дербито на вечерта се игра на „Сан Сиро“ помеѓу Милан и Борусија Дортмунд.
Ова е една од најизрамнетите групи во последните години и после четири одигрни кола сите четири тима имаат шанса за пласман во следната фаза. Борусија Дортмунд е лидер со 7 бода, а Милан е на третото место со два бода помалку.
Милан не треба никогаш да се отпишува во ЛШ
Милан во последно време влезе во резултатска криза и почна да се оддалечува од врвот. Меѓутоа со победата над ПСЖ минатото коло „росонерите“ се вратија во игра за едно од првите две места во групата. Сега го очекува нов тежок меч и тоа нема право на кикс бидејќи игра со директниот конкурент, На првиот меч во Дортмунд одигра реми, но Милан создаде одлични шанси и покажа дека не е инфериорен од противникот. Пиоли има голем проблем со повредени фудбалери и нема да може да смета на првата ѕвезда Рафаел Леао, а добрата вест е што за овој меч се враќаат Чукуедзе и Лофтус Чик. Домашиот терен ќе биде предност, но и фактот што Милан секогаш знае да изненади во ЛШ кога е најтешко и кога најмалку се очекува, па никогаш не треба да се отпишува седумкратниот шампион на Европа.
Дортмунд лидер во групата
Борусија Дортмунд лошо ја отвори сезоната во ЛШ со само еден бод во првите две кола, но потоа следуваа две победи против Њукасл. Моментално е лидер во групата и тоа е помалку изненадувачки, но сега следуваат две клучни кола. Со победа на овој меч ќе се пласира во следната фаза, но факт е дека на „милионерите“ им одговара и реми на ова гостување. Сепак, воопшто нема да биде лесно за Борусија на „Сан Сиро“, особено поради фактот што Милан во ЛШ игра најдобро. Со пораз ќе ја искомплицираат својата позиција, па ќе мора да бркаат победа на последното коло против ПСЖ.
Очекување
Дерби на колото кое е непредвидливо, но ова е дуел на два тима кои играат отворен и офанзивен фудбал, па очекуваме меч со голови на двете страни.
Be the first to comment