ВБА сака директен пласман во Премиер Лигата и овој меч за нив е од голема важност, но ако Фулам сака да остане во трката за истата цел, тогаш мора да слави на овој меч. Нема сомнеж дека натпреварот ќе биде интересен, со голема борба и тактика од двете страни.
ВБА победува, но Билиќ е незадоволен
Менаџерот на Вест Бром, Славен Билиќ призна дека во тимот „расположението е на многу ниско ниво“, откако ја гледаше неговата екипа како се мачи против Блегбурн минатото коло.
Второпласираниот ВБА одигра реми 1:1, резултат со кој му овозможи на третопласираниот Брентфорд да го намали јазот на само три бода.
ВБА поведе во 41-та минута кога најдобриот стрелец Чарли Остин го пронајде Филип Кровиновиќ, а хрватскиот играч од средниот ред погоди за 0:1. Кровиновиќ можеше да ја удвои предноста набргу после паузата, но Блекбурн беше одличен, па дури и пропушти две големи шанси пред крајот на мечот за победа.
Сепак, пред тој меч ВБА имаше три победи по ред на кои постигна девет гола и тоа над силни екипи, па од таму изненадува изјавата на Билиќ за расположението. Можеби таа изјава, е само мамка за конкурентите или пак некаков поттик за своите фудбалери.
Фулам се наоѓа во победничка серија
Фулам со силно темпо на последните неколку натпревари ги одржува живи нивните слаби надежи за автоматска промоција во Премиер Лигата, особено со победата од 2:0 над Кардиф со кого може да игра веќе во плеј-офот.
Александар Митровиќ по суспензијата го одбележа своето враќање со гол од пенал во првото полувреме, пред Jош Онома во 66-та минута да ги постави конечните 2:0.
Тоа беше четврта последователна победа во шампионатот за екипата на Скот Паркер, во серија во која Фулам прими само еден гол.
Паркер рече: „Победата е клучна во овој момент во сезоната. Ја завршивме работата. Треба да продолжиме да одиме понатаму, а динамиката е сега со нас“. Овој меч, за тимот на Паркер е од голема важност, бидејќи со победа би се доближиле на само два бода од местата кои носат директен пласман во англиската елита.
Be the first to comment