Англискиот фудбалски совет го казни 44 годишниот Пол Сколс со 8.000 фунти поради кладење. На поранешниот фудбалски репрезентативец му издадоа и предупредување за во иднина да припазува и да не ги крши правилата.
Сколс се кладел 140 пати во рок од 4 години. Во тој период беше и ко-сопственик на англискиот нисколигаш Салфорд. Англискиот закон е строг кога станува збор за кладење и строго им забранува на тренерите, играчите и управата да се бават со оваа проблематика.
Сколс се обложувал на Манчестер додека Гигс и Бат беа таму, а потоа и на Валенсија кога ги водеше Гери Невл. Меѓу облозите има и натпревари од ФА купот, но на нив се обложувал откако неговиот Салфорд испаднал од натпреварувањето.
„Се извинувам. Разбирам и во потполност ја прифаќам казната. Беше тоа искрена грешка, верував дека не правам ништо што ги нарушува правилата. Мислев дека нема проблем што се обложувам на натпревари од клубови со кои немам никаква врска, но сфатив дека и тоа е погрешно“, вели Пол Сколс.
Be the first to comment