Европското првенство е во полн ек, а ние за вас ќе го анализираме дуеот помеѓу репрезентациите на Белгија и Славачка во рамките на Групата Е.
Последна шанса за оваа генерација на Белгија
Ова е можеби последна шанса на оваа генеранција на Белгија да се одликува со голем трофеј. Веќе една деценија „црвените ѓаволи“ се секогаш меѓу главните фаворити, но им недостига последниот и најважен чекор за злато. Последен пат играа во завршницата на големите натпреварувања на Мудијалот 2018 година каде загубија во полуфиналето од Франција. За Де Брујне. Караско и Лукаку ова е веројатно последното Европско првенство, а на ова европско ќе го нема Тибо Куртоа на голот. Интересен факт: Белгија нема пораз од Светското првенство во 2022 година или повеќе од 15 натпревари во низа. Младиот селектор Доменико Тедеско донесе многу новини и репрезентацијата под негово водство многу се подмлади, а игра атрактивен фудбал. На ова првенство се очекува да блеснат млади ѕвезди како Доку и Онана, па секако Белгија е фаворит за првото место во групата.
За Словачка е успех и пласманот на ЕП
Уште една репрезентација со италијански селектор, која беше вистински хит во квалификациите и заврши веднаш позади Португалија. Селекција без големи ѕвезди, која игра тимски, а овој успех му се припишува на селекторот Федерико Калцона. Словачка учествуваше и на минатотот ЕП во 2021 година, но без запазени резултати и заврши на третото место во групата. Сега во Германија доаѓа со истиот костур на тимот и мали измени и ќе се обиде да се пласира во нокаут фазата. Во подготвителниот период играа добро, пред неколку дена го совладаа Велс со 4:0, па имаат голема самодоверба, иако на стартот ќе играат со најсилниот противник од групата.Секако дека прва ѕвезда во репрезентацијата е Милан Скриниар, но тука се уште Куцка, Лоботка, Дуду… За Словачка е успех и самото учество на Европското првенство, но нема лесно да се предадат и можат да бидат пријатно изненадување на турнирот.
Очекување
Белгија е голем фаворит на овој меч според квалитетот, но Словачка нема лесно да се предаде и ќе се обиде да остане непоразена. Веруваме дека ќе биде ефикасен и возбудлив меч.
Be the first to comment