Денес има солидна понуда за обложување, а за нас секако во фокусот на вниманието ќе биде дуелот од Лигата на нации помеѓу Фарски Острови и Македонија.
Фарски Острови не се наивни
Фарски острови немаат добри резултати во последно време и главно се задоволни од останувањето во Ц дивизијата од Лигата на нации. Немаат илузии за пласман на некое големо натпреварување, но мора да се признае дека клубовите од нивната лига полека се приклучуваат на големата сцена, па така Клаксвик минатата сезона играше во групната фаза на Конференциската лига, а и оваа година беше блиску до таков успех. Последната голема победа се случи токму во ова натпреварување, кога Фарски Острови на свој терен ја совладаа Турција, но тоа беше последното коло и Турците веќе имаа изборено пласман во Б дивизијата. Од тој меч, одигран пред околу две години, само на еден од 16 одиграни натпреаври имаат победа и тоа против Лихтенштајн.
Последна шанса за Милевски
Македонската репрезентација веќе подолго време не игра на очекуваното ниво и бележи лоши резултати. Практично после Европското првенство во 2021 година се случи „деклинација“ и Македонија е во резултатска криза. Доволно е да каже дека на последните шест меча имаме четири порази и две ремија. И покрај тоа селекторот Милевски ја доби довербата да остане, но ова е последна шанса за него и мора да испорача добри резултати во лигата на нации. Во последен момент се случи неочекуван проблем и поради повреда отпаднаа напаѓачите Трајковски и Ристовски, па повикан дополнително беше Марио Илиевски. Во репрезентацијата се враќа Бабунски кој игра одлично во Шкотска, а секако ударна игра во нападот треба да биде Миовски, кој ова лето направи трансфер во Џирона.
Очекување
Дуел на две репрезентации кои се во резултатска криза и очекуваме израмнет дуел, но сепак очекувањата се дека Македонија ќе ги освои трите бода.
Be the first to comment