Денес на програмата е празничното новогодишно коло во Премиер лигата, а во фокусот е секако мечот помеѓу Манчестер Сити и Евертон.
Манчестер Сити е на второто место на табелата и нема право на кикс, додека Евертон се наоѓа во долниот дел од табелата и ќе се бори за опастанок.
Сити нема право на кикс
Манчестер Сити имаше многу фудбалери на Мундијалот, но се чини дека паузата за „граѓаните“ стигна во вистинско и тимот веднаш покажа одлични можности. Пред паузата Сити беше изненадувачки поразен и сега заостанува пет бода од лидерот Арсенал, па нема право на кикс. Халанд и после паузата покажа дека ја задржал формата и до сега на 14 меча постигна 20 гола, што е апсолутен рекорд. Се чини дека тоа е елементот кој му недостасуваше на „граѓаните“ изминатите години, па оваа сезона сигурно ќе атакуваат на сите титули, особено на Лигата на шампиони. Гвардиола има фантастичен росетер на фудбалери, па никое отсуство не се чуствува, а за овој меч се наоѓа пред императив победа. Иако заостанува пет бода зад Арсенал, според букмејкерите Сити се уште е прв фаворит за титулата во Премиер лигата.
Евертон игра под сите очекувања
Евертон на одмор замина со два последователни порази, а на првиот меч после паузата повторно беше поразен. Слободно може да се каже дека овој тим е во многу лоша форма, а моментално се наоѓа на 16-то место со само еден бод над опасната зона. После ова коло големи се шансите „карамелите“ да се најдат во зоната за испаѓање, бидејќи ќе биде „чудо“ ако успеат да стигнат до бодови на „Етихад“. Нормално е навивачите да не бидат задоволни, бидејќи очекувањата од Евертон пред почетокот на сезоната беа многу поголеми, а како што стојат работите го чека грчевита борба за опстанок. Гостувањето на „Етихад“ е најтешко и доаѓа во лош момент за Евертон, кој сигурно за новата година најголема желба ќе му биде да ја поправи формата и да почне да освојува бодови.
Очекување
Манчестер Сити е апсолутен фаворит на овој меч и очекуваме лесна победа на „граѓаните“ изразена со повеќе голови разлика.
Be the first to comment