Денес има голема понуда за обложување, а во фокусот секако ќе биде дуелот во Лигата на шампиони помеѓу Барселона и Атлетико Мадрид.
Барса го сака највредниот пехар
Фудбалерите на Барселона играат многу добро оваа сезона, во која овој тим веќе освои еден трофеј, во шпанскиот Суперкуп. Како што стојат работите сега, речиси е сигурно дека тоа нема да биде единствениот трофеј за Каталонците оваа сезона, бидејќи овој тим моментално е на првото место на табелата со дури седум бода повеќе од второпласираниот Реал Мадрид, што, според сите извештаи, би требало да биде доволна бодовна предност за титулата шпански шампион. Што се однесува до елитното клупско натпреварување, чија победа е примарна цел на шпанскиот гигант, Каталонците играа многу непредвидливо во првите неколку кола, но кога беше најпотребно, следеа одлични игри од овој тим, кој во последните три натпревари од лигашкиот дел постигна ист број триумфи, со дури десет постигнати голови. Секако, треба да се каже и дека противниците во тие дуели не беа кремот на европскиот фудбал, но тоа не ги намалува одличните игри на Барселона. Во осминафиналето го елиминираа Њукасл, а сега им доаа стариот познаник Атлетико Мадрид кого го победија само пред три дена. Сигурно дека ќе сакаат да го искористат домашниот терен за да дојдат до предност пред реваншот.
Може ли Атлетико да ја елиминира Барса?
Атлетико Мадрид нема да биде конкурентен ниту оваа сезона во борбата за титулата шпански шампион, со напомена дека последен пат овој клуб стигна до трофејот во шпанското првенство во 2021 година. Затоа до крајот на сезоната примарна цел ќе биде трофејот во Кралскиот куп, а како што стојат работите сега, постојат големи шанси дека тоа ќе биде случај, бидејќи во финалето играат против Сосиедад. Слободно можеме да кажеме дека очекувавме многу повеќе од Атлетико Мадрид во шпанското првенство, а во моментов овој тим е на четвртото место на табелата со бодовна негатива во споредба со третопласираниот Виљареал, но и со огромен дванаесет бодовен вишок во споредба со петтопласираниот Бетис. Атлетико ја елиминира Барса во Купот, но за малку дури и четирите гола на домашен терен немаше да бидат доволни. Со оглед на тоа секако дека не е фаворит во овој дуел, но нема лесно да се предаде.
Очекување
Дуелите на овие два тима се секогаш непредвидливи, но по традиција се богати со голови, па веруваме дека така ќе биде и овој пат.
Be the first to comment