Денес фокусот е во натпреварите од квалификациите за светското првенство, а ние ќе го анализираме дуелот помеѓу Швајцарија и Словенија.
Швајцарија конечно се разбуди
Швајцарците не се прославија во последното издание на Лигата на нации, бидејќи оваа селекција заврши на последното место на табелата без да запише ниту една победа. Швајцарците неодамна ги започнаа квалификациите за Светското првенство, а во првото коло, оваа репрезентација одигра фантастичен натпревар на својот стадион против Косово, а тој дуел заврши со убедливи 4:0. Ако земеме предвид дека покрај Швајцарија и Косово во групата се уште Словенија и Шведска, впечатокот е дека Швајцарците и Швеѓаните се главни фаворити за првото место, а со тоа и директен пласман на Светското првенство. Ако се осврнеме на последното големо натпреварување на кое учествуваа Швајцарците, тоа е Европското првенство кое се играше пред една година, оваа селекција остави многу добар впечаток. Токму поради тоа Швајцарија е фаворит на овој дуел и секако дека е пред императив победа, бидејќи и традицијата против Словенија е на нивна страна.
Словенија против традицијата
Што се однесува до последното издание на Лигата на нации, Словенија ја заврши групната фаза на третото место на табелата, три бода зад второпласираната Австрија. Во шесте одиграни натпревари, оваа селекција оствари два триумфа, два нерешени резултати и два порази, па Словенија мораше да игра за опстанок во Б-дивизијата. На почетокот од квалификациите за Светското првенство, кое ќе се игра во Соединетите Американски Држави, Канада и Мексико за една година, оваа селекција ремизираше на својот стадион против Шведска, а тој дуел заврши со резултат 2:2. Секако, треба да се каже и дека Швеѓаните одамна немале толку добра генерација, предводена од Џокерес и Исак. Сега повторно ќе биде тешка задача за Словенија бидејќи гостува на место каде што никогаш не победиле. На последните пет меѓусебни натпревари Швајцарија победи дури четири пати. Поради тоа за Словенија и реми би бил позитивен резултат.
Очекување
Квалитетот и традицијата се на страната на домаќините па веруваме дека ќе ги освојат трите бода, иако воопшто нема да биде лесно.
Be the first to comment