Денес започнува второто коло од германската Бундеслига, а во премиерниот натпревар ќе имаме можност да погледнеме градско дерби каде што ќе се сретнат екипите на Хамбургер и Ст. Паули. Овој натпревар е закажан за 20:30 часот.
Хамбургер долго го чекаше овој натпревар
Конечно Хамбургер успеа да се врати во Бундеслигата. Славниот клуб од северот на Германија доживеа доста промени како во тимот, така и во управата. Минатата недела беше особено драга за фановите на овој тим бидејќи нивниот омилен клуб ќе биде повторно дел од елитната лига во Германија. Во првиот натпревар зедоа само еден бод бидејќи ремизираа против Менхенгладбах, но во секој случај веруваме дек се задоволни со тој исход. Амбициите за оваа година им се да обезбедат навремен опстанок и ништо повеќе.
Ст. Паули и оваа година ќе бидат непредвидливи!?
Ст. Паули е доста специфичен клуб во цела Европа, и зад него има нешто повеќе од 30.000 регистрирани членови што е импресивна бројка. Претходната сезона направија мала сензација, а познавачите на фудбалот предвидуваа дека ќе бидат елиминирани, но за среќа тие завршија на 14-то место. Најголем проблем им беше ефикасноста, но ова лето доведоа неколку офанзивци, па веруваме дека нема да се соочуваат со тие проблеми. Исто така во првото коло и тие ремизираа, но тој бод е многу важен и вреди многу повеќе бидејќи го извлекоа од дуелот против Борусија Дортмунд.
Очекување
Градските дерби секогаш се полни со „жар“ и екипите се силно мотивирани, па овде очекуваме интересен и непредвидлив натпревар со најмалку по еден гол на двете страни.
Be the first to comment