Денес има солидна понуда на програмата, а ние ќе го анализираме дербито од Премиер лигата помеѓу Њукасл и Ливерпул.
Њукасл со проблеми во нападот
Њукасл гостуваше во Бирмингем и не треба да си експерт за веднаш да го видиш проблемот со тимот на Еди Хау. Го нема Исак, а нема да биде ни во иднина, па затоа голгетер е неопходен за „чавките“ ако сакаат да бидат конкурентни за врвот и оваа сезона. Лигата на шампионите доаѓа наскоро, а таа конкуренција не дозволува слабо место во тимот, особено не толку важно како местото на лидерот на нападот. Њукасл беше активен на тарнсфер пазарот, но мора да го реши проблемот со напаѓач. Домашниот терен сигурно ќе биде предност во овој дуел, а гостувањето на шампионот е додатна инспирација. Целта на овој тим и оваа сезона ќе биде да се пласира во Топ 4, но сега ќе биде многу потешко бидејќи конкуренцијата е многу поголема. Тимот на Еди Хау не навикна на изненадувања, па очекуваме да видиме како ќе игра оваа сезона.
Ливерпул мора да се поправи
„Црвените“ речиси се лизнаа на почетокот од првенството во кое ја бранат шампионската титула. Борнмут имаше резултат од 2:2 до самиот крај на натпреварот, но Киеза и Салах донесоа победа во самиот финиш. Почетокот на сезоната за Ливерпул е малку загрижувачки, бидејќи пред натпреварот со Борнмут, тие го загубија и Комјунити Шилд од Кристал Палас. Сепак, сметките се прават на крајот, а тоа е таму некаде кон средината на мај следната година. Ливерпул многу купуваше во текот на летото, на Арне Слот му треба време да вклопи толку многу ѕвезди во хармонична целина, но ни се чини дека на Салах баш не му се допаѓа моменталната состојба на работите бидејќи не беше многу колегијален минатиот викенд, поточно, ретко одлучуваше да им ја испрати топката на своите нови соиграчи, Вирц и Екитике. Египќанецот е навикнат да биде најголемата ѕвезда на тимот и не веруваме дека ќе му ја остави таа инсигнација на некој друг. Ова е прв сериозен тест за новиот Ливерпул и сигурно ќе сака да покаже кој е шампион.
Очекување
Овие два тима по традиција играат возбудливи натпревари со многу голови. Минатата сезона видовме шест гола, па поради тоа и сега очекуваме ефикасен меч.
Be the first to comment