Денес нема голема понуда за обложување, а сите очи ќе бидат вперени во Минхен, каде ПСЖ и Интер ќе се борат за најпрестижниот трофеј во Лигата на шампиони.
ПСЖ за историја
Откако Парижаните добија премногу богати сопственици, има само една цел, а тоа е, секако, титулата европски шампион. Досега, популарните „Светци“ пропуштија неколку можности за такво нешто, а впечатокот е дека најблиску францускиот претставник до најпрестижниот трофеј трофеј беше во 2020 година. Многу врвни имиња продефилираа низ Париз во последните десет години, доволно е да се споменат Меси, Нејмар и Мбапе, меѓутоа, дури ни тоа не беше доволно за да се освои Лигата на шампионите. Потоа во клубот се појави Луис Енрике, кој многу добро знае како да го освои престижниот трофеј. Без поголеми проблеми, Парижаните ја одбранија титулата националното првенство, неколку кола пред крајот на првенството, што му овозможи на овој тим добро да се подготви за полуфиналните натпревари од Лигата на шампионите. Кога станува збор за ЛШ не почна сезоната најдобро за „светците“, каде со маки стигнаа до нокаут фазата, но потоа заиграа многу подобро. Уште откако го елиминираа Ливерпул стана јасно дека овој тим е способен за големи нешта. Во полуфиналето немаа поголеми проблеми против Арсенал, па се пласираа во финале. Сите во Париз веруваат дека ова е токму таа сезона кога ќе се испише историја и за прв пат ќе се освои Лигата на шампиони.
Втора шанса за Интер во три години
Интер со години е на врвот на италијанскиот и европскиот фудбал, а не толку одамна „нероаѕурите“ играа во големото финале на Лигата на шампионите. Тоа беше во 2023 година, кога овој тим за жал беше поразен од Манчестер Сити. Досега миланскиот гигант три пати беше европски шампион, а последен пат тоа се случи во 2010 година, кога легендарниот Жозе Мурињо седна на клупата на овој тим. Оваа сезона, миланските гиганти не успеаја да ја одбранат титулата шампион на Италија, иако „нероаѕурите“ имаа се во свои раце само неколку кола пред крајот. Не го освоија ниту Купот, па ова е последна шанса за трофеј. Во Лигата на шампиони Интер одигра одлично уште од самиот старт, заврши во Топ 8 и стигна до осминафиналето. Таму имаше лесен противник, но потоа следуваа Баерн Минхен и Барселона, каде Интер покажа дека покрај тактичка надмоќ има и квалитет за трофејот. Пред две години беа аутсајдери во финалето, но сега имаат 50% шанси за трофејот и тоа го знаат сите во Милано, па поради тоа очекувањата се големи.
Очекување
Финалињата се секогаш непредвидливи и полни со изненадувања, па очекуваме и овој пат неизвесен дуел. Меѓутоа, двата тима имаат одлични напади, па веруваме дека ќе има голови на двете страни.
Be the first to comment