Традиционално дербијата во Серија А се играат во недела навечер, а оваа недела на стадионот Диего Марадона, Наполи ќе го пречека Интер.
Домаќините влегуваат во овој меч со импресивна серија на домашен терен, додека незапирливите гости на Антонио Конте имаат серија од 11 победи во лигата, започната уште во месец Јануари.
Интер е импресивен
Откако Интер минатата недела го совлада Каљари е се поблиску до прва лигашка титула уште од сезоната 2009-10. Треба да се случи чудо за Интер да не дојде до скудетото. Имаат предност од 11 бода пред Милан и 12 бода пред Јувентус и изгледаат незапирливо.
На тимот на Антонио Конте сега им требаат максимум 16 поени од осумте преостанати натпревари за да го обезбедат Скудетото. Но толку бодови ќе им требаат во најлош случај и веројатно со уште некоја победа веќе ќе бидат шампиони.
Со својата желба да се стави крај на долгогодишното владеење на лутиот ривал Јувентус, Интер има безброј мотиви, па тие сега можат да го насочат својот својот мотив и кон извонреден рекорд од 17 победи во низа, кој го постигнаа во 2007 година, за да ја завршат спектакуларната сезона воголем стил.
Интер има победи на сите три натпревари во Серија А против Наполи под водство на Конте, вклучително и победа на нивниот последен натпревар во Неапол во лигата.
Кога тимовите се сретнаа во Милано на почетокот од оваа сезона, Интер извојува тесна победа од 1:0 благодарение на пеналот што го реализира најдобриот стрелец Ромелу Лукаку, а Наполи заврши со десетмина по црвениот на Лоренцо Инсиње.
Гатузо со еден куп мотиви
Иднината на Гатузо во Наполи се уште е далеку од сигурна, но перформансите на неговиот тим по испаѓањето од Лигата на Европа во февруари значително се подобрија.
Поранешниот деструктивец на Милан сега се среќава со стариот ривал Интер и има мотиви до небо. Заостанува само со два бода во однос на Аталанта, а е подалеку со само четири бода во однос на вториот Милан и јасно е дека до крај ќе води битка за пласман во Лигата на Шампиони. Тоа впрочем ќе биде веројатно и неговиот спас, а ќе значи останување на жешкото столче во Наполи.
Сепак, Гатузо има катастрофална статистика против Интер. Против поранешниот колега од репрезентацијата Конте како и против Макс Алегри, Гатузо изгуби во секој натпревар во лигата. Единтвено Гатузо славеше против Интер на Конте во Купот на гости со 0:1 кога и го елиминираше Интер.
Минатата недела Наполи славеше над Сампдорија со 0:2 а Виктор Осимхен продолжи да ја отплаќа сскапата сума на неговиот странсфер, бидејќи нигерискиот репрезентативец редовно постигнува голови во последниот месец, откако конечно надмина низа повреди и болести.
Во добра форма е и Дрис Мертенс кој постигна три гола и асистираше еднаш во последните четири кола, па затоа Гатузо надежите за позитивен резултат ги темели токму на овие двајца.
Be the first to comment