Денес од 16:00 часот во рамките на квалификациите за Светското Првенство ќе имаме можност да го погледнеме натпреварот помеѓу Казахстан и Велс.
Казахстан далеку од пласман на СП
Дефинитивно фудбалска еуфорија владее во оваа земја, не поради резултатите на репрезентацијата, туку поради пласманот на Каират во лига фазата од Лигата на шампиони. Пласманот на СП дефинитивно им оди тешко бидејќи во моментов имаат само три освоени бода, а во последниот натпревари запишаа пораз од Македонија со минимален резултат од 1:0. Исто така треба да нагласиме дека Казахстан во претходното издание од Лигата на нации од 6 изиграни натпревари запишаа само едно реми, а се останато им беше пораз, па мораше да се преселат во Лига Ц.
Велс ја прекина серијата без пораз
Селекцијата на Велс зад себе имаше фантастична серија без пораз, но тие во последниот натпревар беа поразени од Белгија. Пред тоа, прикажаа фантастични резултати, а и овој пат се насочени кон пласман на Мундијалот што нема да биде воопшто лесна задача. Досега изиграа 4 натпревари и собраа 7 бода преку 2 победи, 1 реми и 1 пораз, но да бидеме искрени имаат доста сериозна конкуренција.
Очекување
Овде Велс ја има улогата на фаворит, а веруваме дека има и капацитет да ја оправда таа улога без поголеми проблеми.
Be the first to comment