НАПОЛИ
Наполи е во неверојатна форма цела сезона и навистина е чудно што тимот досега има само една победа, наспроти трите порази во ЛШ. Во Серија А тимот на Наполи е прв и сеуште нема доживеано пораз. Има 11 победи и две ремија и тоа со неверојатна гол разлика од 34:9. Сари одлично ја води екипата и е скромен во своите изјави, но јасно е дека амбициите на Наполи се големи оваа сезона. Овој меч е последната шанса за тимот. И со победа мали ќе бидат шансите за пласман во следната фаза, но барем шансите ќе постојат. Мертенс продолжува да игра во голем стил и да постигнува голови, Инсигње прераснува во одличен фудбалер, а Хамшик е главниот диригент во тимот и тешко е да се сопре ова трио на Наполи. Ако екипата одигра на ниво како во Серија А, тогаш победата нема да изостане.
ШАЈХТОР
Шајхтор игра одлично сезонава во Лигата на Шампиони, забележувајќи 3 победи и еден пораз. Во првиот меч против Наполи славеа со 2:1 и доколку сега останат непоразени ќе го осигураат пласманот во следната рунда на ЛШ. По пауза од една сезона оваа екипа се врати во Лигата на Шампиони, откако минатата сезона играше во Лигата на Европа каде во групната фаза забележа максимални 6 победи, но во елиминациите беше елиминирана од Селта. Во овој меч украинците влегуваат по неочекуваниот пораз од просечниот тим на Олександрија во украинскиот шампионат. Оваа екипа не е иста како изминатите сезони, но повторно главниот збор го имаат бразилците во тимот. Офанзивниот пристап на тренерот Фонсека гарантира дека и на овој меч Шајхтор ќе игра отворено и на гол повеќе, без разлика што на тимот ќе му одговара и реми.
ПРЕДВИДУВАЊЕ
Според изгледот на табелата коефициентот за победа на домаќинот е премал. Сепак Наполи е фаворит и тешко дека уште сега ќе се откаже од шансите за пласман на второто место на табелата без разлика што дури и со победа втората позиција ќе биде далеку. Очекуваме офанзивна игра и предлагаме Победа на Наполи со коефициент 1.46 во Бет365.
Be the first to comment