Гибралтар У21 - Македонија У21, Фудбал - Предлог тип - 10/10 2017

ГИБРАЛТАР

Гибралтар е во дното на европскиот фудбал и е една од најслабите репрезентации на стариот континент. За оваа репрезентација ова се први квалификации, бидејќи пред само неколку години добија дозвола од ФИФА и УЕФА да играат како самостојна држава. Во досегашните 5 меча во оваа група Гибралтар забележа 5 порази без постигнат гол, а прими дури 14 гола што само по себе говори за квалитетот на репрезентацијата. Селекторот Аскес е принуден да игра ултра дефанзивно против било која репрезентација, а репрезентативците се аматери и не играат во професионални клубови, иако на последните два меча се забележа одреден напредок кај нив. Дефинитивно, тешко е да се верува дека Гибралтар е кадарен барем да освои некој бод до крајот на овие квалификации.

МАКЕДОНИЈА

Македонската младинска фудбалска репрезентација по огромниот успех и настапот на младинското Европско Првенство во Полска, ги стартуваше квалификациите во ист стил, со веќе препознатливиот нов менталитет и победнички и покрај тоа што ова е една сосема нова генерација, од онаа која го направи историскиот успех. Во првиот меч Македонија славеше победа против Ерменија на гости со 0:3, но сепак на вториот дуел пред неколку дена во Скопје, Србија славеше победа со 0:2. Со тој пораз беше и прекината серијата без пораз на нашата репрезентација од цели три години ( ако не се сметаат трите натпревари на ЕП ), што беше најдолга серија без пораз во Европа. Сега на ред е дуел со аутсајдерот Гибралтар и многу е јасно кој е фаворит на оваа средба. Благоја Милевски повторно има одлична генерација но овој пат ќе биде без двајцата главни играчи Елиф Елмас и Никола Ѓорѓев кои беа прекомандувани во сениорската репрезентација. Сепак тука се одличните Костадинов, Тотре и уште неколкумина кои не би требало да имаат никакви проблеми со Гибралтар.

ПРЕДВИДУВАЊА

Јасно е која репрезентација ќе слави на овој меч и сега прашањето е само која игра да ја одиграме за да добиеме поголем коефициент. Добро би било да одиграте 2-2 и 3+, или пак на уште повеќе голови, но ние сепак ќе се решиме да одиграме една сигурна варијанта со мал коефициент и тоа Полувреме / крај 2-2 со коефициент 1.30 во бет365.