МАКЕДОНИЈА
Македонската младинска фудбалска репрезентација по огромниот успех и настапот на младинското Европско Првенство во Полска, ги стартуваше квалификациите во ист стил, со веќе препознатливиот нов менталитет и победнички и покрај тоа што ова е една сосема нова генерација, од онаа која го направи историскиот успех. Во првиот меч Македонија славеше победа против Ерменија на гости со 0:3, а Ерменија стартуваше одлично и пред тој меч го совлада Гибралтар и одигра нерешено со Русија, што само по себе говори за одличниот настап на нашата репрезентација. Благоја Милевски повторно има одлична генерација фудбалери во која се Елиф Елмас, Никола Ѓорѓев, Костадинов, Тотре и уште неколкумина кои го сочинуваат костурот на оваа генерација и кој се кадарни да го повторат успехот на своите колеги од минатите квалификации. Она што ја краси оваа селекција е тимскиот дух и победничкиот менталитет кои им го всади Милевски на своите избраници, а тоа се покажа како доволно за големи резултати на младата селекција. Доколку сакаме пласман на уште едно големо натпреварување, на натпреварите на домашен терен мораме да играме отворено и да не дозволуваме порази, дури и против селекции со многу поголем ранкинг како Србија.
СРБИЈА
За разлика од Македонија која има сосема нов тим, Србија во својата селекција има голем број на фудбалери кои настапија на Европското Првенство во Полска. Тогаш Македонија и Србија одиграа нерешено 2:2, а сега Србија е фаворит за победа без разлика што гостува во Скопје. Селекторот Ѓоровиќ има во својот има фудбалери кои играат во најсилните европски лиги и во екипи како Ливерпул, Бенфика, Фиорентина, Бордо, Ајнтрахт Франкфурт и други и тоа е голема предност за оваа селекција. Главни играчи во овој тим се Марко Грујиќ од Ливерпул и Андрија Живковиќ од Бенфика, двајца врвни фудбалери за врска кои имаат настапи и за сениорската репрезентација на Србија. Од друга страна, првиот голман на репрезентацијата, Вања Милинковиќ Савиќ, е отстранет од националниот тим поради недисциплина. Сепак, овие играчи играа за Србија и на Европското Првенство, но и тогаш Македонија одигра добар меч па имаше и водство до 90-та минута, па тоа не мора да значи ништо ниту овој пат.
ПРЕДВИДУВАЊЕ
Ова ќе биде многу интересен дуел за следење и факт е дека и поради тоа што квалитетот е на страната на Србија, само нијанси ќе решаваат за тоа кој ќе ги освои бодовите во Скопје. Македонија предводена од Милевски не знае да се брани и никогаш не е задоволна без три бода, а така ќе биде и овој пат. Младинците одиграа одличен меч во Ерменија и доколку продолжат со тоа темпо ги очекуваат успеси и во овие квалификации. Србија е фаворит и според букмејкерите и според фудбалските екперти. Квалитетот е на нивна страна и оваа репрезентација исто како и Македонија ги посакува трите бода. Тоа за нас е доволно за да очекуваме голови и на двете страни па затоа ви предлагаме да одиграте Двете репрезентации да постигнат гол со коефициент 1.80 во бет365.
Be the first to comment