БЕШИКТАШ
Бешикташ долги години беше во сенка на Галатасарај и Фенербахче во Турција, но откако минатата сезона овој тим ја освои шампионската титула, оваа сезона продолжија во ист стил. Имаат одличен почеток во домашниот шампионат и по 6 одиграни меча имаат само еден пораз и тоа во натпреварот против Фенербахче во саботата. Овој пораз доаѓа во незгодно време, пред важниот меч против Лајпциг во Лигата на Шампионите но Бешикташ веќе покажа дека има големи амбиции и во ова натпреварување, откако во првото коло забележа изненадувачка, но сосема заслужена победа над Порто со 1:3 во Португалија. Оваа екипа предводена од Ѓунеш игра отворен фудбал, а во моментите кога е притисната во својата половина е многу опасна по крилните страни каде делуваат Кварезма и Бабел, што е гарант дека на нивните мечеви секогаш има повеќе шанси да паднат над 2.5 голови.
ЛАЈПЦИГ
Откако Лајпциг минатата сезона беше најголемо изненадување во Европа, завршувајќи втор на табелата во својата дебитантска сезона во Бундеслигата, оваа сезона има многу тешка задача, да игра добро и на два фронта. Стартот во домашниот шампионат е под очекувањата и екипата се наоѓа на 6-то место на табелата по 6 одиграни меча, а во Лигата на Шампиони стартуваше со реми на домашен терен против Монако. Лајпциг стана препознатлив по големиот процент на посед на топка и речиси на секој меч статистички е надмоќен против своите противници, но кога во прашање се настапите во Европа екипата се соочува со проблем – неискуство.
ПРЕДВИДУВАЊЕ
Двете екипи играат офанзивен фудбал и тоа овој пат може да биде гаранција за многу голови. Сепак на многу посилни тимови од Лајпциг им било тешко да играат пред френетичната публика во Турција, а ако се земе во предвид младоста и неискуството на Лајпциг тогаш домашниот терен на Бешикташ му дава уште поголеми шанси за поволен резултат. Коефициентот за единица е доста голем, па овој пат ќе ви предложиме да одиграте Победа на домаќинот или реми со коефициент 1.73 во бет365.
Be the first to comment