ХАЛ
Во Хал владее една навистина лоша атмосфера, особено надвор од тимот – помеѓу навивачите кои продолжуваат да протестираат против нивниот сопственик. Хал минатата сезона имаше разочарувачки резултати во Премиер Лигата и покрај големите вложувања во тимот, а откако испаднаа во Чемпионшип загубија многу клучни играчи ова лето. Сепак овој тим сеуште има доволно квалитет за да може да победи на овој натпревар. Амбициите на тимот се експресно враќање во елитата, но очајниот трансфер период, па и почетокот на сезоната укажува на тоа дека мали се шансите за остварување на целта. Хал досега собра 4 бода, со една победа, едно реми и два порази но во Карабао Купот во вторникот играше со вториот тим и свесно го загуби мечот против Донкастер за целосно да се посвети на овој меч против Болтон.
БОЛТОН
Болтон минатата сезона играше во Лига 1 и како второпласиран обезбеди пласман во Чемпионшип, но се чини дека сезонава ќе се бори за опстанок во ова натпреварување. По 4 кола овој тим нема победа и собра само два бода од дуелите со Милвал и Бирмингем на гости, додека ги загуи домашните натпревари против Лидс и Дерби. Во овој меч Болтон влегува по победата над Шефилд Вендсдеј во Карабао Купот. Амеоби е повреден и нема да настапи на овој меч, додека настапот на Вела и Ветер е неизвесен.
ПРЕДВИДУВАЊЕ
Хал има поквалитетен тим, игра на домашен терен и е фаворит за освојување на трите бода, иако Болтон не е тим кој треба да се потцени. Сепак овој меч за домаќинот е од големо значење, бидејќи само со победа ќе успеат да ги смират своите навивачи кои веќе подолго време протестираат против сопственикот на тимот. Тоа е доволна причина да предложиме Победа на домаќинот со коефициент 1.85 во Unibet.
Be the first to comment