АНАЛИЗА
ВАРЕГЕМ
- Овој тим минатата сезона беше едно од најпријатните изненадувања завршувајќи на 3-то место зад неприкосновените Андерлехт и Бриж. Тоа највеќе се должи на одличниот стратег на клупата Франки Дјури кој летово имаше понуда да го преземе тимот на Клуб Бриж, но тој одлучи да остане во Варегем, каде што има исклучително долг договор. Сезонава овој тим повторно се стреми кон плејофот, а за тоа доволно говорат трансферите во висина од 6.4 милиони евра. Од позначајните трансфери ги издвојуваме Нил Де Пау кој дојде од Генгамп, Саулихо Меите од Лил, Сапоњич кој е позајмен од Бенфика, Јенсен од Одд и уште неколку позајмени фудбалери кој дефинитивно ќе остават белег во овој тим.
- Варегем игра офанзивен фудбал, а во првото коло на гостувањето кај Еупен славеа победа од 0:5. Четири од петте гола беа дело на двете нови засилувања Сапоњич и Де Пау.
- Минатата сезона Варегем на домашен терен играше одлично и сезоната ја заврши без ниту еден пораз пред своите навивачи, кога во прашање се натпреварите од регуларниот дел на сезоната.
- Варегем на последните 5 натпревари против Еупен забележа 5 победи со гол разлика 14:2.
СТ. ТРУИДЕН
- Ст. Труиден минатата сезона заврши на 12-то место, но во чудниот формат на натпреварување во белгискиот шампионат, се пласираше во разигрувањето за пласман во Лигата на Европа кадешто имаше одлични резултати и беше елиминиран дури во полуфиналето од Генк. Слично како и Варегем така и овој тим имаше одлични потези во преодниот рок. Дојдоа добри фудбалери како Техеира од Чарлтон, Ајала од вториот тим на Валенсија, Ботака од Лидс, а напаѓачот Гуеје е позајмен од Хановер. Сезонава амбициите се нешто поголеми од минатата сезона, но прашање е колку тие ќе можат да бидат исполнети.
- Одлично ја стартуваа сезоната со победа на домашен терен против фаворизираниот Гент од 3:2. Сепак Гент имаше тежок натпревар во Лигата на Европа само три дена подоцна и нивниот тренер го ротираше тимот.
- Ст. Труиден важи за исклучиво домашна екипа. Минатата сезона во регуларниот дел, на 15 натпревари на гостински терен овој тим забележа само една победа, 2 нерешени средби и дури 12 порази.
ПРЕДВИДУВАЊЕ
Варегем е фаворит на овој меч и после победата во првото коло над Еупен со убедливи 0:5, сега ќе сакаат да ја покажат истата игра и ефикасност и на домашен терен. Сепак Ст. Труиден иако игра очајно на гостински терен, летово донесе неколку фудбалери кој можат да постигнат гол против секоја екипа, па иако фаворитската улога е на страната на Варегем за чија победа ќе добиете коефициент 1.73 во бет365, нашиот предлог е да се одигра – Вкупно погодоци над 2.5 @ 1.73 во бет365.
Be the first to comment