Трансферот кој има смисла
Ден Фич е апсолутно во право кога вели дека трансферот на Ромелу Лукаку во Манчестер Јунајтед има смисла во (фудбалскиот) свет кој понекогаш нема толку смисла. Како додаток на сите квалитети кои фантастичниот Белгиец ќе ги донесе на Олд Трафорд, се и бенефициите кои ќе ги имаат и другите две вмешани страни.
Евертон го прифати неизбежното и зеде дебела сума кеш за играчот кој и онака го надрасна клубот, а самиот Лукаку прави голем исчекор со тоа што ќе биде главна фаца во поголем клуб со кој ги дели истите амбиции, вклучувајќи и настап во Лигата на шампионите. Играњето за Манчестер Јунајтед, исто така, него ќе му даде можност да блесне во полн сјај и да му докаже на челникот од белгиската репрезентација, Роберто Мартинез, дека токму тој, а не Кристијан Бентеке, Дивок Ориги или Дрис Мертенс, ќе биде лидерот на Белгија на следното Светско фудбалско првенство во летото, 2018 година. Ако воопшто има потреба да го потсетува на тоа.
Но, дали Лукаку ќе биде најдобар стрелец за 2017/2018 година?
Сето погоре кажано е супер, но дали тоа значи дека треба да се фатите на примамливите 5,50 кои ги има добиено како коефициент за топ голгетер во следната сезона? Секако дека ако можеше да постигне 17 (во Вест Бромвич), 15, 10, 18 и 25 гола (во Евертон) во изминатите пет сезони во помалку успешни клуба, ќе може да постигне некој екстра гол кој му е потребен за да биде во голгетерскиот врв со некој поголем клуб, нели?
Само Дрогба беше топ голгетер под палката на Мурињо
Ако сакате да бидете најдобар стрелец во Премиер Лигата, Жозе Мурињо не е менаџерот под чие раководство би сакале да играте. Барем така велат статистиките. Во четирите сезони во кои ги водеше Челзи, за време на неговиот прв престој во Премиер Лигата, само Дидие Дрогба беше најдобар стрелец на лигата во сезоната 2006/2007 со постигнати 20 гола.
Во неговата реприза на Стемфорд Бриџ, ниту еден од неговите играчи не заврши во врвот. Само Диего Коста во 2014/2015 година, со 20 гола, се приближи до најдобрите стрелци Хари Кејн со 21 и Серхио Агуеро со 26.
Минатата сезона, кога се најде на Олд Трафорд, негов најдобар стрелец беше Златан Ибрахимовиќ со 17 гола. Да, Швеѓанецот пропушти речиси четвртина од фудбалската сезона поради повреда. Но, тој заврши само седми наспроти Хари Кејн со 29 гола, па затоа не е баш едноставно да се аргументира дали Златан ќе можеше да биде на самиот врв дури и ако одиграше до крајот на сезоната.
Заклучок? Играчите на Мурињо или не постигнуваат доволно голови или се раштркани наоколу.
Манчестер Јунајтед ретко имал најдобри стрелци
Од почетокот на овој век, само четири пати од вкупно 16 сезони играч од Манчестер Јунајтед бил најдобра стрелец во лигата, иако неговите играчи ретко завршувале надвор од топ дуото кое се наоѓа на врвот од таа листа. Четворицата величествени од Јунајтед се: Руд Ван Нистелрој (2002/2003 со 25 гола), Кристиано Роналдо (2007/2008 со 31 гол), Димитар Бербатов (2010/2011 со 20 гола) и Робин ван Перси (2012/2013 со 26 гола).
Ова е тешко да се објасни со оглед на фактот дека Манчестер Јунајтед ужива репутација на напаѓачки клуб, но бројките се тие што се и не лажат.
Лукаку може да има лимитирано време на игра
Голгетерите од бившиот прв човек на Челзи отсекогаш биле одлични. Лукаку е еден од само петмината играчи под 24 години кој постигнал 75 премиерлигашки гола и има постигнато седум повеќе до таа возраст од, да речеме, Кристиано Роналдо. Но, макар и на секунда да бидеме адвокати на ѓаволот, тој ја имаше сета можност и шанса да го направи тоа. Во минатите пет сезони одигра 35, 31, 36, и два пати по 37 лигашки натпревари во една сезона.
И тоа не е така изненадувачки, бидејќи ниту Вест Бромвич (во 2012/2013), ниту Евертон имаа поголем предизвик од Премиер лигата, па така Лукаку цело време играше на теренот.
Обезбедувајќи учество во Лигата на шампионите, Мурињо толку многу копнее да го освои и раниот Фудбалски Лига куп на Англија, што значи дека да се вклопи во сите натпреварувања од самиот старт и во целата сезона, Лукаку веројатно не би бил стартер на повеќе од 30 лигашки натпревари.
За разлика од претходните два клуба во кои играше, Јунајтед веќе има спремни замени на местото од Лукаку со Маркус Рашфорд и Антонио Марсијал, па прашање е дали Мурињо би го ризикувал него на натпревари со Хадерсфилд или Брајтон, наместо да го чува за големи дуели во други поголеми натпреварувања кои следуваат.
Кој друг, ако не Лукаку?
Серхио Агуеро (8,40) заврши на првото, второто и четвртото место на листата на најдобри стрелци во минатите три сезони, но нештата би можеле да бидат малку поразлични оваа сезона. Причина за тоа е присуството на одличниот Габриел Хесус (исто 8,40), што значи дека тој би можел да ги извршува добро и двете задачи и обврски на голгетер и соиграч на Бразилецот оваа сезона.
Алексис Санчез (17,00) би можел да замине во друга лига, а истото важи и за Диего Коста (20,00). Алваро Мората (30,00) уште не е играч на Премиер Лигата додека се пишува текстов. А и како што потенцира Алекс Кембел, Мората и онака е енигма во секој случај.
Можеби е еден од најбараните играчи во Европа, но ниту бројот на настапи, ниту пак бројот на голови кои ги има постигнато во изминатите четири сезони сугерираат на тоа дека би можел да биде во врвот од тројцата најдобри голгетери во Премиер Лигата.
Колку и да звучи досадно, Хари Кејн има реален коефициент од 4,40 со што е и фаворит за број еден голгетер. Откако заигра во дресот на Тотенхем, беше еднаш втор и два пати прв стрелец во лигата. Тој е главен играч на тимот кој постигнува многу голови, изведува пенали и слободни удари и ја има привилегијата кај менаџерот да биде заменет и ротиран во домашните куп натпреварувања, но не и во лигашките натпревари.
Аутсајдери?
Вреди да се фрли поглед и на Садио Мане (40,00) од Ливерпул, или пак на Џермејн Дефо. Годините очигледно не се на негова страна, но ако може да постигне 15м гола играјќи ја најлошата сезона во лигата минатата година, не е незамисливо дека може да постигне 6 или 7 гола повеќе од тоа во подобра сезона и во тим кој дава многу голови.
Но, ако врз основа на гореспоменатите статистики го исфрлите Лукаку од игра за најдобра стрелец во Премиер Лигата, можеби треба да го земете во предвид далеку поголемиот коефициент од 16/1 кој му се дава за PFA (Играч на годината). Познато е дека тимот предводен од Мурињо во неговата втора сезона откако го презел како менаџер го достигнуваат својот врв, па Јунајтед со Лукаку како главен шпиц во нападот без двоумење може да му даде шанса на играчот да го освои тоа престижно признание.
Извор: betfair
Be the first to comment